Prezident Shavkat Mirziyoyev Xalqaro xotin-qizlar kuni munosabati bilan 7-mart kuni tashkil etilgan bayram tadbirida ezgu ishlari bilan ko‘pchilikka namuna bo‘layotgan bir qator xotin-qizlarni alohida ko‘rsatib o‘tdi. Bu haqda Prezident matbuot xizmati xabar bermoqda.
Mamlakatimizda o‘z faoliyati, ezgu ishlari bilan ko‘pchilikka ibrat va namuna bo‘layotgan xotin-qizlarimiz ko‘payib borayotgani barchamizni xursand qiladi. Shular qatorida Farg‘ona viloyati, Rishton shahrida yashaydigan tadbirkor ayol Izrabu Usmonova Haj ziyoratiga atab yillar davomida yig‘ib kelgan mablag‘ini moddiy sharoiti og‘ir mahalladoshlariga beg‘araz yordam sifatida hadya qilgani matbuotda keng yoritildi.Ma’lumot uchun, Prezidentning 7-martdagi farmoniga muvofiq, Izrabu Usmonova “Do‘stlik” ordeni bilan, Gavhar Husanova esa “Shuhrat” medali bilan taqdirlandi.Sirdaryo viloyati, Sayxunobod tumani, “O‘zbekiston” mahallasida Gavhar Husanova degan faol singlimiz bor. Ayni vaqtda u tuman kengashining deputati etib saylangan. Gavharning qaynonasi Gulbahor aya o‘qituvchilik faoliyati davomida minglab kitoblar to‘plagan ekan. Gavhar Husanova ularning yoniga yana ko‘p adabiyotlarni qo‘shib, qishloq ahli uchun o‘z hisobidan “Mumtoz” deb nomlangan katta kutubxona barpo etgani tahsinga loyiq.
Shavkat Mirziyoyev, O‘zbekiston Prezidenti
Izoh (0)