Президент Шавкат Мирзиёев Халқаро хотин-қизлар куни муносабати билан 7 март куни ташкил этилган байрам тадбирида эзгу ишлари билан кўпчиликка намуна бўлаётган бир қатор хотин-қизларни алоҳида кўрсатиб ўтди. Бу ҳақда Президент матбуот хизмати хабар бермоқда.
Мамлакатимизда ўз фаолияти, эзгу ишлари билан кўпчиликка ибрат ва намуна бўлаётган хотин-қизларимиз кўпайиб бораётгани барчамизни хурсанд қилади. Шулар қаторида Фарғона вилояти, Риштон шаҳрида яшайдиган тадбиркор аёл Израбу Усмонова Ҳаж зиёратига атаб йиллар давомида йиғиб келган маблағини моддий шароити оғир маҳалладошларига беғараз ёрдам сифатида ҳадя қилгани матбуотда кенг ёритилди.Маълумот учун, Президентнинг 7 мартдаги фармонига мувофиқ, Израбу Усмонова «Дўстлик» ордени билан, Гавҳар Ҳусанова эса «Шуҳрат» медали билан тақдирланди.Сирдарё вилояти, Сайхунобод тумани, «Ўзбекистон» маҳалласида Гавҳар Ҳусанова деган фаол синглимиз бор. Айни вақтда у туман кенгашининг депутати этиб сайланган. Гавҳарнинг қайнонаси Гулбаҳор ая ўқитувчилик фаолияти давомида минглаб китоблар тўплаган экан. Гавҳар Ҳусанова уларнинг ёнига яна кўп адабиётларни қўшиб, қишлоқ аҳли учун ўз ҳисобидан «Мумтоз» деб номланган катта кутубхона барпо этгани таҳсинга лойиқ.
Шавкат Мирзиёев, Ўзбекистон Президенти
Изоҳ (0)