UEFA tashkiloti Relevent Sports kompaniyasi bilan yozgi yangi musobaqani yaratish ustida ishlamoqda, deya xabar qilmoqda Daily Mail.
Relevent Sports tomonidan uyushtiriladigan Xalqaro Chempionlar Kubogi o‘rnida Chempionlar Ligasiga o‘xshash musobaqa tashkil etish reja qilinmoqda. Yangi musobaqada saralash, guruh bosqichi va pley-off o‘yinlari bo‘ladi.
Musobaqa 2021-yildan boshlanishi kutilmoqda, shartnoma 8 yilga mo‘ljallangan bo‘ladi. Avvaliga bellashuvlar AQShda bo‘lib o‘tadi, keyinchalik musobaqani Osiyo mamlakatlarida o‘tkazish rejasi ham mavjud.
Shuningdek, top-klublar musobaqada asosiy tarkibi bilan ishtirok etishi borasida kelishuvga erishilgani taxmin qilinmoqda. “Manchester Yunayted”, “Manchester Siti”, “Chelsi”, “Arsenal”, “Liverpul” va “Tottenhem” klublari mazkur g‘oyani qo‘llab-quvvatlagan.
Eslatib o‘tamiz, UEFA tashkiloti terma jamoalar o‘rtoqlik o‘yinlari o‘rnini bosuvchi Millatlar Ligasi musobaqasini tashkil etdi. Shuningdek, tashkilot 2021-yildan boshlab uchinchi Yevrokubok musobaqasi — Konferensiyalar Ligasini joriy etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)