Futbol bo‘yicha Fransiya Kubogi 1/2 final bahslari doirasida 4-mart, chorshanba kuni ilk finalchi nomi aniqlandi.
“Lion” maydoniga safar uyushtirgan PSJ 5:1 hisobidagi yirik g‘alabani qo‘lga kiritdi. Dastlab maydon egalari Marten Teryening goli evaziga oldinga o‘tib oldi, biroq bunga PSJ beshta to‘p bilan javob qaytardi. Parijliklar tarkibida Mbappe het-trikka erishdi, Neymar hamda Pablo Sarabiya ham “Lion” darvozasini ishg‘ol etdi.
Kubok finalida qatnashadigan ikkinchi jamoa nomi “Sent-Etyen” — “Renn” qarama-qarshiligida aniqlanadi. Ushbu bahs 5-mart, payshanba kuni bo‘lib o‘tadi.
Fransiya Kubogi
1/2 final bahslari4-mart, chorshanba
“Lion” — PSJ 1:5
Gollar: 1:0 – 11 Terye, 1:1 – 14 Mbappe, 1:2 – 64, penalti Neymar, 1:3 – 70 Mbappe, 1:4 – 81 Sarabiya, 1:5 – 90 Mbappe.“Lion”: – Antoni Lopesh, Denayer, Dyubua (Andersen, 75), Marsal, Marselo, Auar, Tuzar, Bruno Gimaraes, Terye (Jan Lukas, 83), Dembele (Rafael, 65), Toko-Ekambi.
PSJ: Navas, Menye, Markinyos, Kurzava (Bernat, 81), Kerer, Guye (Verratti, 65), Paredes, Sarabiya, Mbappe, Kavani (Ikardi, 76), Neymar.
Ogohlantirishlar: Kurzava (30), Marsal (36), Menye (55), Mbappe (64), Dyubua (66), Neymar (85).
Chetlatish: Marsal (61).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)