Boks bo‘yicha superog‘ir vazn toifasida WBC kamari sohibi Tayson Fyuri va sobiq chempion Deontey Uaylder ishtirokidagi uchinchi jang 2020-yilning yozida o‘tkazilishi mumkin. Bu haqda mashhur promouter Bob Arum xabar berdi.
“Revanshni 18-iyun sanasida o‘tkazish ESPN uchun ham, FOX uchun ham qulay bo‘ladi. Bu vaqt — Amerika sportidagi o‘lik palla, bu esa chiptalar sotuviga ijobiy ta’sir qilishi mumkin. NBA’da pley-off o‘yinlari yakunlangan, beysbolda esa mavsumning yarmi ketayotgan bo‘ladi. Ideal vaqt”, — deydi Arum.
Eslatib o‘tamiz, Tayson Fyuri 23-fevral kuni Uaylderni muddatidan avval mag‘lubiyatga uchratib, undan WBC kamarini tortib oldi.
Ushbu bokschilar o‘rtasidagi 2018-yilda bo‘lib o‘tgan ilk qarama-qarshilikda esa durang qayd etilgandi.
Izoh (0)