Yevropa Chempionlar Ligasi ayni damda o‘zining avj pallasiga kirib bormoqda. “Daryo” mazkur musobaqa tarixidagi eng tezkor gollarni yodga oladi.
Quyida Chempionlar Ligasidagi eng tezkor besh gol va bonus tariqasida Garet Beylning ajoyib golini tomosha qiling:
Klarens Zeedorfning 2005-yil sentabrida “Shalke-04” darvozasiga (2:2) kiritgan to‘pi. “Milan” hisobni ochishi uchun 21 soniya kifoya qilgandi.
Alessandro del Pyero 1997-yili “Old Trafford”da “Manchester Yunayted”ni (2:2) 21-soniyadayoq xafa qilgandi.
Jilberto Silva 2002-yilning sentabr oyida “Arsenal”ning tezkor hujumidan keyin PSVning bo‘sh qolgan darvozasini ishg‘ol qilgandi. Bu gol ham 21-soniyada urilgan va o‘yinda londonliklar 4:0 hisobida zafar quchgandi.
Jonas 11-soniyada “Bayer” darvozsiga yo‘l topgandi. 2011-yilning sentabridagi o‘yin 3:1 hisobida ispanlar foydasiga xal bo‘lgan.
Roy Makay 2006/07-yilgi YChL 1/8 finalida “Real” darvozsini 11-soniyada ishg‘ol qilgan va “Bavariya”ni (1:2) keyingi bosqichga olib chiqishga katta hissa qo‘shgandi.
Bonus tariqasida, “Real”ning 2016/17-yilgi mavsumda “Legiya”ga qarshi kechgan bahsida hujumchi Garet Beyl 58-soniyada ajoyib golga muallif bo‘lgandi. Tomoshabinlarsiz o‘tgan o‘yinda 3:3 hisobi qayd etilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)