Европа Чемпионлар Лигаси айни дамда ўзининг авж палласига кириб бормоқда. «Дарё» мазкур мусобақа тарихидаги энг тезкор голларни ёдга олади.
Қуйида Чемпионлар Лигасидаги энг тезкор беш гол ва бонус тариқасида Гарет Бэйлнинг ажойиб голини томоша қилинг:
Кларенс Зеедорфнинг 2005 йил сентябрида «Шальке-04» дарвозасига (2:2) киритган тўпи. «Милан» ҳисобни очиши учун 21 сония кифоя қилганди.
Алессандро дел Пьеро 1997 йили «Олд Траффорд»да «Манчестер Юнайтед»ни (2:2) 21-сониядаёқ хафа қилганди.
Жилберто Сильва 2002 йилнинг сентябрь ойида «Арсенал»нинг тезкор ҳужумидан кейин ПСВнинг бўш қолган дарвозасини ишғол қилганди. Бу гол ҳам 21-сонияда урилган ва ўйинда лондонликлар 4:0 ҳисобида зафар қучганди.
Жонас 11-сонияда «Байер» дарвозсига йўл топганди. 2011 йилнинг сентябридаги ўйин 3:1 ҳисобида испанлар фойдасига хал бўлган.
Рой Макай 2006/07 йилги ЕЧЛ 1/8 финалида «Реал» дарвозсини 11-сонияда ишғол қилган ва «Бавария»ни (1:2) кейинги босқичга олиб чиқишга катта ҳисса қўшганди.
Бонус тариқасида, «Реал»нинг 2016/17 йилги мавсумда «Легия»га қарши кечган баҳсида ҳужумчи Гарет Бэйл 58-сонияда ажойиб голга муаллиф бўлганди. Томошабинларсиз ўтган ўйинда 3:3 ҳисоби қайд этилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)