26-fevral kuni Buxoro shahridagi bir qator savdo majmualarida yong‘in sodir bo‘ldi. Bu haqda Favqulodda vaziyatlar vazirligi matbuot xizmati xabar berdi.
26-fevral kuni soat 22:37 larda Buxoro viloyat favqulodda vaziyatlar boshqarmasi navbatchilik qismiga Bahouddin Naqshband ko‘chasidagi bir qator savdo majmualarida yong‘in sodir bo‘layotganligi to‘g‘risida xabar kelib tushgan.
Yong‘inni bartaraf etishga 15 ta asosiy, 2 ta maxsus yong‘in o‘chirish avtomobillari va 20 dan ortiq yordamchi texnikalar jalb qilinib, soat 00:40 da yong‘in tarqalishining oldi olingan va soat 01:30 da olov batamom o‘chirilgan.
Yong‘in maydoni 520 kvadrat metrni tashkil etgan.
“Hodisa oqibatida kuyish tan jarohati va halok bo‘lish holatlari aniqlanmagan”, — deyiladi xabarda.
Izoh (0)