32 yoshli Anna Ribakova qochib ketgandan so‘ng Sankt-Peterburgdagi Botkin nomli kasalxonaga o‘z ixtiyori bilan qaytdi. Bu haqda “Fontanka.ru” xabar bermoqda.
Ayolning onasiga ko‘ra, u hozirda kasalxonada bo‘lib turibdi. Ribakova bunday qarorni mustaqil qabul qilgan — “Rospotrebnadzor” bilan bog‘lanib, nima qilish kerakligini so‘ragan.
19-fevral, chorshanba kuni, Neva tuman sudi 11-fevralda kasalxonadan qochib ketgan Ribakovani koronavirusga tahlil topshirgunicha majburiy tarzda ortga qaytarish to‘g‘risida qaror qabul qilgandi. Uni uyidan topisha olmagan, o‘zi ham aloqaga chiqmagan.
Oldinroq Petrograd tuman sudi qarori bilan kasalxonadan birinchi bo‘lib qochgan Alla Ilyina ham ortga qaytarilgandi. Bunday qochuvlardan so‘ng kasalxonaning ko‘p yillik rahbari Aleksey Yakovlev ishdan bo‘shatildi.
Mavzuga doir:
- Rossiyada 20 ming nafar odam koronavirus tufayli shifokorlar nazoratiga olindi
- Rossiyada 2 nafar ayol koronavirus bo‘yicha karantindan qochib ketdi
- Rossiyada yana 2 kishi koronavirus bo‘yicha karantindan qochib ketdi
- Peterburg sudi koronavirus bo‘yicha karantindan qochib ketgan ayolni kasalxonaga majburan yotqizishga ruxsat berdi
Izoh (0)