Buyuk Britaniya hukumati Xitoyning Huawei kompaniyasiga mamlakat hududida 5G tarmoqlarini qurishga ruxsat berdi. Bu haqda “Kommersant” xabar bergan.
Britaniya hukumati vakillarining bayonotida kompaniya nomi ochiq aytilmagan, lekin “xavfni orttiruvchi ishlab chiqaruvchilar 5G tarmoqlar quriladigan maydonlarning 35 foizdan ko‘p bo‘lmagan qismida ulushga ega bo‘lishlari, ularning xorijiy razvedka idoralari bilan manfaatlari bir bo‘lmagan kompaniyalarning” ushbu jarayonda qatnashishi mumkinligi qayd etilgan.
Ishlab chiqaruvchilar mamlakat milliy xavfsizligi uchun muhim hisoblangan yerlardagi qurilishlarda ishtirok eta olmaydi. Avvalroq Britaniya kiberxavfsizlik milliy markazi Huawei’ni yuqori xavf darajasiga ega telekommunikatsiya qurilmalari ishlab chiqaruvchi kompaniyalar ro‘yxatiga kiritgandi.
Huawei’ning Buyuk Britaniyada 5G tarmoqlari yaratilishi ishtirok etishi haqidagi ushbu xabarlardan oldin masala Xitoy kompaniyasining Londonning yaqin ittifoqdoshi — AQSh bilan munosabatlari sabab keng muhokama qilingandi.
Britaniyaning raqamli sanoat, madaniyat va sportni rivojlantirish vaziri Niki Morganning so‘zlariga ko‘ra, qurilma ishlab chiqaruvchilar davlat ahamiyatiga ega yerlar atrofiga yaqin ham yo‘lamaydi. Shu sababdan ushbu qaror nafaqat xavfsiz va barqaror tarmoqlarni tozalaydi, balki har tomonlama puxta o‘ylangan strategik tanlovga ham imkoniyat yaratadi.
Izoh (0)