Копенгагендаги Хитой элчихонаси Даниянинг Jyllands-Posten нашри Хитойда тарқалган янги вирус ҳақидаги карикатурани эълон қилгани учун кечирим сўрашини талаб қилди. Бу ҳақда Даниянинг Politiken нашри хабар берган.
Коронавирус ҳақидаги карикатура Jyllands-Posten’нинг 27 январь, душанба куниги сонида чоп этилган. Суратда Хитой байроғидаги юлдузлар ўрнида вируснинг бўлаклари тасвирланган. Элчихонанинг маълум қилишича, «карикатура сўз эркинлигининг ахлоқий меъёрларига зид келади», «нашр ушбу сурат орқали Хитойни ҳақорат қилган ва мамлакат халқини қаттиқ ранжитган».
Карикатура муаллифи рассом Нильс Бо Бойсен, элчихона унинг ҳам кечирим сўрашини талаб қилган, карикатурачи ушбу сўровни жавобсиз қолдирган.
Jyllands-Posten муҳаррири Якоб Нибро Даниянинг TV 2 телеканалига берган интервьюсида Хитойни ҳақоратлаб, хитойликларни ранжитиш нияти бўлмаганини билдирган. Бироқ у кечирим сўраш ва карикатурани олиб ташлашни истамаган, унда ёмон нарсани кўрмаётганлигини қайд этган.
«Ушбу сурат бошқа карикатуралардан фарқли равишда бутун дунёда бўлаётган ҳодисалардан дарак бермоқда», — деган Нибро.
Мавзуга доир:
Саудия Арабистони, Ливия ва яна бир нечта мусулмон давлатлар Даниядан элчиларини чақириб олиб, ушбу мамлакат товарларига тақиқ қўйган. Дания ҳам хавфсизлик нуқтаи назаридан Сурия, Покистон ва Индонезиядаги элчихоналарини ёпган. «Толибон» ҳаракати карикатура муаллифини ўлдирган кишига мукофот беришини эълон қилган.
2006 йил январида Jyllands-Posten эълон қилинган сурат учун узр сўраган. Аммо бу вақтга келиб, карикатурани ғарбда бошқа ОАВлар ҳам эълон қила бошлади. Франциянинг Charlie Hebdo сатирик журнали ҳам улар орасида эди. 2015 йилда ушбу ҳаракат учун журнал таҳририяти биносига теракт уюштирилган ва 12 нафар одам ҳалок бўлган.
Изоҳ (0)