Futbol bo‘yicha Angliya Kubogining 1/16 final bosqichi doirasida 26-yanvar, yakshanba kuni 3 ta o‘yin yakunlandi.
Xosep Gvardiola qo‘l ostidagi “Manchester Yunayted” o‘z maydonida “Fulhem”ni sinovdan o‘tkazdi.
Uchrashuv davomida “shaharliklar” vakillari Ilkay Gundo‘g‘on (8, penalti) hamda Bernardu Silva (19) bittadan golga mualliflik qilgan bo‘lsa, Gabriel Jezus (72, 75) dubl qayd etdi.
Shu tariqa “Siti” o‘z uyida “Fulhem”ni yirik hisobda yengdi (4:0) va musobaqaning keyingi bosqichiga yo‘l oldi.
Ole-Gunnar Sulsher boshqaruvidagi “Manchester Yunayted” esa “Tranmer Rovers” maydoniga safar qildi.
Bahsda “mankunianlar” a’zolari Harri Maguayr (10), Diogu Dalot (13), Jessi Lingard (16), Fil Jons (41), Antoni Marsial (45) va Meyson Grinvud (56, penalti) birin-ketin raqib darvozasini ishg‘ol qildi.
Natijada “Yunayted” “Tranmer Rovers” darvozasiga javobsiz 6 ta gol urib, yirik hisobda g‘alaba qozondi va musobaqaning 1/8 finaliga yo‘llanmani qo‘lga kiritdi.
Shu kuni Yurgen Klopp boshliq “Liverpul” “Shrusberi” bilan bahsga kirishdi.
Bellashuvning 15-daqiqasida “qizillar”ning 18 yoshli yarim himoyachisi Kertis Jons hisobni ochgan bo‘lsa, 46-daqiqaga kelib mezbon jamoa himoyachisi Donald Lav avtogol muallifiga aylandi (2:0). O‘yinning 65 hamda 75-daqiqalarida shotlandiyalik hujumchi Jeyson Kammings ikki bor Mersisayd klubi darvozasiga gol urdi va hisobni tenglashtirdi.
Shu tariqa o‘yin 2:2 hisobidagi durang natija bilan yakunlandi. Endilikda “Liverpul” Angliya Kubogining nimchorak finaliga chiqish uchun javob uchrashuvida “Shrusberi” maydoniga safar qiladi.
Angliya Kubogi
1/16 final bahslari
26-yanvar, yakshanba
“Manchester Siti”—“Fulhem” 4:0
Gollar: 1:0 — 8, penalti Gundo‘g‘on, 2:0 — 19 Bernardu Silva, 3:0 — 72 Gabriel Jezus, 4:0 — 75 Gabriel Jezus“Tranmer Rovers”—“Manchester Yunayted” 0:6
Gollar: 0:1 — 10 Maguayr, 0:2 — 13 Diogu Dalot, 0:3 — 16 Lingard, 0:4 — 41 Jons, 0:5 — 45 Marsial, 0:6 — 56, penalti Grinvud“Shrusberi”—“Liverpul” 2:2
Gollar: 0:1 — 15 Jons, 0:2 — 46, avtogol Lav, 1:2 — 65, penalti Kammings, 2:2 — 75 KammingsYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)