Футбол бўйича Англия Кубогининг 1/16 финал босқичи доирасида 26 январь, якшанба куни 3 та ўйин якунланди.
Хосеп Гвардиола қўл остидаги «Манчестер Юнайтед» ўз майдонида «Фулҳэм»ни синовдан ўтказди.
Учрашув давомида «шаҳарликлар» вакиллари Илкай Гундўғон (8, пенальти) ҳамда Бернарду Сильва (19) биттадан голга муаллифлик қилган бўлса, Габриэль Жезус (72, 75) дубль қайд этди.
Шу тариқа «Сити» ўз уйида «Фулҳэм»ни йирик ҳисобда енгди (4:0) ва мусобақанинг кейинги босқичига йўл олди.
Оле-Гуннар Сульшер бошқарувидаги «Манчестер Юнайтед» эса «Транмер Роверс» майдонига сафар қилди.
Баҳсда «манкунианлар» аъзолари Ҳарри Магуайр (10), Диогу Далот (13), Жесси Лингард (16), Фил Жонс (41), Антони Марсьяль (45) ва Мэйсон Гринвуд (56, пенальти) бирин-кетин рақиб дарвозасини ишғол қилди.
Натижада «Юнайтед» «Транмер Роверс» дарвозасига жавобсиз 6 та гол уриб, йирик ҳисобда ғалаба қозонди ва мусобақанинг 1/8 финалига йўлланмани қўлга киритди.
Шу куни Юрген Клопп бошлиқ «Ливерпуль» «Шрусбери» билан баҳсга киришди.
Беллашувнинг 15-дақиқасида «қизиллар»нинг 18 ёшли ярим ҳимоячиси Кертис Жонс ҳисобни очган бўлса, 46-дақиқага келиб мезбон жамоа ҳимоячиси Дональд Лав автогол муаллифига айланди (2:0). Ўйиннинг 65 ҳамда 75-дақиқаларида шотландиялик ҳужумчи Жейсон Каммингс икки бор Мерсисайд клуби дарвозасига гол урди ва ҳисобни тенглаштирди.
Шу тариқа ўйин 2:2 ҳисобидаги дуранг натижа билан якунланди. Эндиликда «Ливерпуль» Англия Кубогининг нимчорак финалига чиқиш учун жавоб учрашувида «Шрусбери» майдонига сафар қилади.
Англия Кубоги
1/16 финал баҳслари
26 январь, якшанба
«Манчестер Сити»—«Фулҳэм» 4:0
Голлар: 1:0 — 8, пенальти Гундўғон, 2:0 — 19 Бернарду Сильва, 3:0 — 72 Габриэль Жезус, 4:0 — 75 Габриэль Жезус«Транмер Роверс»—«Манчестер Юнайтед» 0:6
Голлар: 0:1 — 10 Магуайр, 0:2 — 13 Диогу Далот, 0:3 — 16 Лингард, 0:4 — 41 Жонс, 0:5 — 45 Марсьяль, 0:6 — 56, пенальти Гринвуд«Шрусбери»—«Ливерпуль» 2:2
Голлар: 0:1 — 15 Жонс, 0:2 — 46, автогол Лав, 1:2 — 65, пенальти Каммингс, 2:2 — 75 КаммингсЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)