Rossiyaning Sankt-Peterburg viloyati Kolpino tumani prokuraturasi O‘zbekiston fuqarosiga nisbatan jinoyat ishi bo‘yicha ayblov xulosasini tasdiqladi. Bu haqda Sankt-Peterburg prokuraturasi saytida xabar berildi.
O‘zbekistonlik fuqaro Rossiya federatsiyasi jinoyat kodeksining 327-moddasi (bila turib soxta hujjatni sotib olish va ulardan foydalanish) bo‘yicha aybdor deb topilishi mumkin.
Prokurorning versiyasiga ko‘ra, o‘zbekistonlik mehnat muhojiri pul va vaqtni patentni rasmiylashtirish uchun sarf qilmaslik maqsadida Qirg‘iziston soxta pasportini sotib olishga qaror qilgan, u Rossiyada ishlash huquqini taqdim etgan. Qirg‘iziston fuqarolarining Rossiyada ishga joylashishi nisbatan oson - ularga ishlash uchun ruxsatnoma olishning hojati yo‘q, vaqtincha qolish muddati esa ish beruvchi bilan tuzilgan shartnoma muddatiga qarab belgilanadi.
Erkak soxta pasport, migratsiya kartasi va Rossiya hududida shu yil aprel oyigacha qolishga imkon beruvchi mehnat shartnomasini xarid qilgan. Natijada, u hujjatlarni qalbakilashtirgani uchun qo‘lga olindi, jinoyat ishi Kolpino tuman sudining zalida ko‘rib chiqiladi.
Qayd etilishicha, o‘zbekistonlik fuqaro bir yilgacha ozodlikni cheklash yoki ozodlikdan mahrum qilish yoxud bir yillik majburiy jamoat ishlari jazosiga tortilishi mumkin.
Izoh (0)