Россиянинг Санкт-Петербург вилояти Колпино тумани прокуратураси Ўзбекистон фуқаросига нисбатан жиноят иши бўйича айблов хулосасини тасдиқлади. Бу ҳақда Санкт-Петербург прокуратураси сайтида хабар берилди.
Ўзбекистонлик фуқаро Россия федерацияси жиноят кодексининг 327-моддаси (била туриб сохта ҳужжатни сотиб олиш ва улардан фойдаланиш) бўйича айбдор деб топилиши мумкин.
Прокурорнинг версиясига кўра, ўзбекистонлик меҳнат муҳожири пул ва вақтни патентни расмийлаштириш учун сарф қилмаслик мақсадида Қирғизистон сохта паспортини сотиб олишга қарор қилган, у Россияда ишлаш ҳуқуқини тақдим этган. Қирғизистон фуқароларининг Россияда ишга жойлашиши нисбатан осон - уларга ишлаш учун рухсатнома олишнинг ҳожати йўқ, вақтинча қолиш муддати эса иш берувчи билан тузилган шартнома муддатига қараб белгиланади.
Эркак сохта паспорт, миграция картаси ва Россия ҳудудида шу йил апрель ойигача қолишга имкон берувчи меҳнат шартномасини харид қилган. Натижада, у ҳужжатларни қалбакилаштиргани учун қўлга олинди, жиноят иши Колпино туман судининг залида кўриб чиқилади.
Қайд этилишича, ўзбекистонлик фуқаро бир йилгача озодликни чеклаш ёки озодликдан маҳрум қилиш ёхуд бир йиллик мажбурий жамоат ишлари жазосига тортилиши мумкин.
Изоҳ (0)