Fuqarolik ishlari bo‘yicha O‘rta Chirchiq tumanlararo sudining ijro varaqasiga asosan, qarzdorlar “Yangi Turmush Parranda” dehqon xo‘jaligi va G.Vahobovadan solidar tartibda undiruvchi “Hamkorbank” ATBning foydasiga jami 763 million 567 ming so‘m kredit qarzdorligini undirish belgilangan. Bu haqda MIB matbuot xizmati “Daryo”ga xabar berdi.
Ijro harakatlari davomida garovdagi mulk G.Vahobovaga tegishli bo‘lgan Toshkent viloyati Bo‘stonliq tuman Xo‘jakent qishlog‘ida joylashgan umumiy yer maydoni 0,0433 gektar, umumiy qurilish osti maydoni 176,40 kvadrat metr, umumiy foydalanish maydoni 259,70 kvadrat metr, 1 ta 2 qavatli noturar joy, yerto‘la, hovuz, hojatxona va yozgi oshxona binolaridan iborat bo‘lgan noturar bino (dala hovli) hatlangan.
Mazkur ijro ishi yuzasidan qarzdorga tegishli noturar joy (dala hovli) 763 million 567 ming so‘m kredit qarzdorligi evaziga “Hamkorbank” ATBning foydasiga o‘tkazib berilishi ta’minlangan.
Izoh (0)