Xitoyning Uxan shahrida koronavirusning yangi turidan kelib chiqqan pnevmoniyadan to‘rtinchi kishi vafot etdi. deb xabar bermoqda “Kommersant”. Bundan avval uch kishi vafot etgani, virusni yuqtirib olganlar soni 1 723 ming nafarni tashkil qilgani haqida xabar berilgan edi.
Qayd etilishicha, kasallik alomati 89 yoshli erkakda 13-yanvar kuni paydo bo‘lgan. U nafas olishida jiddiy muammolar paydo bo‘lganidan 5 kun o‘tib kasalxonaga yotqizilgan. Bemor 19-yanvar kuni vafot etgan. Unda, shuningdek, gipertoniya, qand kasalligi va yurak ishemik kasalligi bo‘lgan.
Jahon sog‘liqni saqlash tashkiloti 22-yanvar, chorshanba kuni, Xitoyda yangi koronavirus tarqalishi sababli favqulodda qo‘mitaning shoshilinch yig‘ilishini chaqirdi. Kasallik Xitoyda tarqalgan, ammo undan zararlanish holatlari Janubiy Koreya, Yaponiya va Tailandda ham qayd etilgan.
Izoh (0)