O‘zbekiston tibbiy-ilmiy faoliyat bilan shug‘ullanuvchilar tabobat akademiyasi va Yaponiya noananaviy va profilaktik meditsina assotsiatsiyasi tabobat yo‘nalishida malaka almashadi. Bu haqda Tabobat akademiyasi raisi, professor Ibrohimjon Asqarov “Daryo” muxbiri Musulmonbek Ibrohimovga bergan intervyusida aytib o‘tdi.
Professor Ibrohimjon Asqarovning ma’lum qilishicha, Tabobat akademiyasi vakillari Yaponyaning Tokio shahrida bo‘lib, Yaponiya noan’anaviy va profilaktik meditsina assotsiatsiyasi raisi, doktor Kenichi Kozu bilan tabobat sohasida hamkorlik masalalarini muhokama qilgan.
Sharq tabobatida yapon tabobati o‘ziga xos. Keyingi yillarda ular erishgan yutuqlar ham tahsinga loyiq. Ko‘p yillik tajribalarni almashish maqsadida Yaponiya noan’anaviy va profilaktik meditsina assotsiatsiyasi faoliyati bilan yaqindan tanishdik.Ma’lumot uchun, “Fuqarolar sog‘lig‘ini saqlash to‘g‘risida”gi qonuniga muvofiq tibbiy ma’lumotga ega bo‘lmagan shaxslar ham O‘zbekiston Respublikasi Sog‘liqni saqlash vazirligi huzuridagi Xalq tabobati usullaridan foydalangan holda tibbiy xizmat ko‘rsatish faoliyatini litsenziyalash bo‘yicha maxsus komissiyaning xulosasi asosida xalq tabobati usullaridan foydalangan holda tibbiy faoliyat bilan shug‘ullanish huquqiga ega.Ilmiy va amaliy hamkorlikni yo‘lga qo‘yish bo‘yicha kelishuvga erishdik. Jumladan, davolash va dori-darmonlarni qo‘llash usullari, ilmiy ishlanmalar va tabiblarning ishlash mexanizmini birga ko‘rib chiqadigan bo‘ldik.
Janob Kenichi Kozu qariyb 100 yil avval to‘xtatib qo‘yilgan tabiblik faoliyati O‘zbekistonda qayta qonuniy tiklanganini yuqori baholadi va tabobat bilan shug‘ullanuvchilarga yanada erkinlik berish lozimligi haqida gapirdi. Yaponiyada bo‘lgani kabi O‘zbekistonda ham bemor zamonaviy yoki tabobat usulida davolanishni o‘z ixtiyoriga ko‘ra tanlashni joriy etish foydali ekanligini bildirdi.
O‘zbekiston Vazirlar Mahkamasi huzuridagi Oliy attestatsiya komissiyasida xalq tabobati ixtisosligi bo‘yicha yangi fan ochilgani, xalq tabobati ixtisosligi bo‘yicha tibbiyot, farmatsevtika va kimyodan ilmiy daraja berish yo‘lga qo‘yilgani ham doktor Kenichi Kozuda qiziqish uyg‘otdi. Chunki Yaponiyada ushbu masalalar hali ko‘rib chiqilmagan ekan.
Bu kabi xalqaro aloqalarni yo‘lga qo‘yish o‘zbek tabobati yutuqlarini ham chetga olib chiqishga va dunyo tajribalari asosida yanada rivojlanishiga xizmat qiladi. Yaponiya bilan hamkorligimiz bu yo‘lda katta qadam bo‘ladi, deb o‘ylayman.
Ibrohimjon Asqarov, professor, O‘zbekiston tibbiy-ilmiy faoliyat bilan shug‘ullanuvchilar tabobat akademiyasi raisi
Izoh (0)