Bugun,

  • USD 11014.01
  • RUB 191.8
  • EUR 10674.78

Tabib shifokorni, shifokor esa tabibni tan olishi va hamkorlikda ishlashi kerak. Bu haqda O‘zbekiston tibbiy-ilmiy faoliyat bilan shug‘ullanuvchilar tabobat akademiyasi raisi, professor Ibrohimjon Asqarov “Daryo”ga ma’lum qildi.

Asqarovning ta’kidlashicha, Prezident Shavkat Mirziyoyevning 2018-yil 12-oktabrdagi xalq tabobatiga oid qarori bilan tabiblar shifokorlarga yordam beruvchilar sifatida qabul qilindi. Buni amalga oshirish uchun tabib shifokorni, shifokor esa tabibni tan olishi kerak.

“Bu ishlarni Sog‘liqni saqlash vazirligi, Toshkent shifokorlar malakasini oshirish instituti qo‘llab-quvvatlab kelmoqda. Ammo quyi tizimdagi ba’zi shifokorlar tomonidan tabiblarni pastga urish, ularni mensimaslik holatlari mavjud”, – deydi Ibrohimjon Asqarov.

Ibrohimjon Asqarovning aytishicha, tabiblar malakasini oshirish va ularni qayta tayyorlash maqsadida akademiya huzurida o‘quv markazi tashkil etilgan. Markazga Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan litsenziya berilgan.

Foto: Rustam Eshonov

Foto: Rustam Eshonov

“Bundan buyon respublikadagi tabiblarni malakasini oshirish bilan ham shug‘ullanmoqchimiz. Shu maqsadda Farg‘ona va Andijon viloyatlarida akademiyadan ro‘yxatdan o‘tgan tabiblar bilan yig‘ilish o‘tkazib, ularning muammolari va kimlarni o‘qitish kerakligi xususida suhbatlashdik. Markazda tabiblar uch oy davomida Andijon tibbiyot instituti, Toshkent shifokorlar malakasini oshirish institutining olimlari hamda malakali tibbiy ilmga ega bo‘lgan tabiblari tomonidan o‘qitiladi. Sog‘liqni saqlash vazirligida tuzilgan komissiya imtihonidan o‘tgandan so‘ng ularga litsenziya berishlari mumkin”, — deydi professor.

O‘zbekistonda xizmat ko‘rsatgan ixtirochi Asqarovning qo‘shimcha qilishicha, yaqinda nashr etilgan “Tabobat qomusi” kitobi tabiblar uchun darslarda qo‘llanma sifatida foydalaniladi. Kitobda O‘zbekistonda o‘sadigan 168 ta o‘simlikning bargi, mevasi, ildizi qaysi faslda, qaysi kasalga davo ekanligi atroflicha bayon qilingan.

Foto: Rustam Eshonov

Foto: Rustam Eshonov

Shuningdek, Tabobat akademiyasida alohida maxsus ekspertlar komissiyasi tuzilib, tabiblar foydalanayotgan dori-darmonlarga baho va tavsiya beruvchi tizimni ham yo‘lga qo‘yishni rejalashtirilgan.

Ma’lumot uchun, xirurgiya, terapiya, endokrinologiya kabi tibbiyot fanlarining 40 tasi chet davlatlarda yaratilgan. Qirq birinchi fan, ya’ni xalq tabobati pasportini O‘zbekistonda professor Ibrohimjon Asqarov va akademik Ne’matjon Mamasoliyev bilan hamkorlikda yozgan (fan sifatida isbotlagan) va bu Oliy attestatsiya komissiyasi tomonidan tasdiqlangan.

Izoh
Asosiy yangiliklar
Mahalliy
Shavkat Mirziyoyev Sankt-Peterburgda MDHga a’zo davlatlar rahbarlari norasmiy uchrashuvida ishtirok etdi (foto)
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Dunyo
Putin va harbiylar o‘rtasidagi yopiq uchrashuvdan so‘ng, Rossiya davlat matbuotiga urushdagi muvaffaqiyatsizliklar haqida yozishga ruxsat berildi