15-yanvar, chorshanba kuni ommaviy axborot vositalari uchun “O‘zRTXBda birja savdolari va elektron tijoratning rivojlanish natijalari va istiqbollari” mavzusida matbuot anjumani bo‘lib o‘tdi. Bu haqda O‘zRTXB matbuot xizmati “Daryo”ga xabar berdi.
Qayd etilishicha, o‘tgan yilda birinchi navbatda birja savdolarida sotilayotgan tovarlarning soni va hajmining ko‘payishi evaziga tadbirkorlar tomonidan yuqori likvidli va monopol mahsulotlotlaridan erkin foydalanishi imkoniyatlari yanada kengaytirildi. Natijada kichik biznes va xususiy tadbirkorlik subyektlari ishtirokida tuzilgan shartnomalarning hajmi 2018-yilga nisbatan 31 foizga o‘sib, deyarli 21,0 trillion so‘mni tashkil etdi. Shu jumladan tadbirkorlar birja orqali 13,4 trillion so‘mlik tovar resurslarini xarid qilgan va 7,5 trillion so‘mga teng o‘zlari ishlab chiqargan tovarlarni sotgan.
Ma’lumki, 2019-yilda AI-91 avtomobil benzini va unning I-navi bozor qoidalari asosida, talab va taklifdan kelib chiqqan holda erkin o‘rnatila boshladi. Birja savdolari natijasida shakllangan narxlar o‘z navbatida shaffoflik tamoyiliga rioya qilingan holda muntazam ravishda ommaviy axborot vositalari orqali keng e’lon qilinib borildi.
Mazkur tovarlar uchun haqiqiy bozor narxlarining shakllanishi esa sotuvchi korxonalar uchun auksion natijasida olingan qo‘shimcha daromad hisobiga o‘zlarining iqtisodiy samaradorligini oshirish imkonini berdi.
Shu bilan birga o‘tgan davrda o‘tkazilgan birja savdolari ushbu tovar bozorlarida mutanosib holatning shakllanishiga olib kelib, shaffof tizimining barcha afzalliklarini ko‘rsatib berdi. Xususan yangi tartib o‘rnatilgan paytdan boshlab 2019-yil oxirgacha bo‘lgan davrda AI-91 rusumli avtomobil benzini bo‘yicha birjadagi narxi 4,6 foizga va I-navli unning narxi esa 12 foizga kamaydi. Narxlarning pasayishiga savdoga qo‘yilayotgan tovar hajmlarining o‘sishi va ulardan erkin foydalanish imkoniyati taqdim etilganligi ko‘mak berdi.
Izoh (0)