2020-yilning 13-yanvar kuni O‘zbekiston tashqi ishlar vaziri Abdulaziz Komilov Ummon sultonligining Toshkent shahridagi elchixonasiga tashrif buyurdi. Bu haqda TIV matbuot xizmati xabar berdi.
TIV rahbari O‘zbekiston hukumati va Tashqi ishlar vazirligi nomidan hukmron oila a’zolariga chuqur hamdardlik izhor etdi va Sulton Qobus bin Saidning vafot etgani munosabati bilan ochilgan ta’ziya kitobiga qayd kiritdi, deyiladi vazirlik xabarida.
Eslatib o‘tamiz, Ummon sultoni Qobus saraton kasalligiga qarshi bir necha yillik kurashdan so‘ng 10-yanvar kuni kechqurun 79 yoshida vafot etdi. Mamlakatda uch kunlik motam e’lon qilindi. Shuningdek Hindistonda Ummon sultoni vafoti munosabati bilan umummilliy motam e’lon qilindi. Sulton 1970-yilda, 29 yoshida taxtga o‘tirgan va Ummonni 50 yil boshqargan.
Avvalroq Shavkat Mirziyoyev Ummon sultoni Haysam bin Toriq al-Said nomiga sulton Qobus bin Saidning vafot etgani munosabati bilan chuqur ta’ziya izhor etib maktub yo‘lladi.
Izoh (0)