2020 йилнинг 13 январь куни Ўзбекистон ташқи ишлар вазири Абдулазиз Комилов Уммон султонлигининг Тошкент шаҳридаги элчихонасига ташриф буюрди. Бу ҳақда ТИВ матбуот хизмати хабар берди.
ТИВ раҳбари Ўзбекистон ҳукумати ва Ташқи ишлар вазирлиги номидан ҳукмрон оила аъзоларига чуқур ҳамдардлик изҳор этди ва Султон Қобус бин Саиднинг вафот этгани муносабати билан очилган таъзия китобига қайд киритди, дейилади вазирлик хабарида.
Эслатиб ўтамиз, Уммон султони Қобус саратон касаллигига қарши бир неча йиллик курашдан сўнг 10 январь куни кечқурун 79 ёшида вафот этди. Мамлакатда уч кунлик мотам эълон қилинди. Шунингдек Ҳиндистонда Уммон султони вафоти муносабати билан умуммиллий мотам эълон қилинди. Султон 1970 йилда, 29 ёшида тахтга ўтирган ва Уммонни 50 йил бошқарган.
Аввалроқ Шавкат Мирзиёев Уммон султони Ҳайсам бин Ториқ ал-Саид номига султон Қобус бин Саиднинг вафот этгани муносабати билан чуқур таъзия изҳор этиб мактуб йўллади.
Изоҳ (0)