6-yanvar, dushanba kuni Qirg‘iziston – O‘zbekiston davlat chegarasida janjal kelib chiqqan, Qirg‘iziston fuqarolari va O‘zbekiston chegarachilari urushib qolgan. Bu haqda “Nuz.uz” xabar berdi.
Hodisa Qirg‘izistonning Jalolobod viloyati Ola-Buqa tumani Ko‘k-Tosh qishloq okrugining Oq-Kurcha qishlog‘i hududida yuz bergan. Qirg‘iziston Respublikasi davlat chegarasi xizmatining OAV va jamoatchilik bilan aloqalar bo‘limi bergan xabarga ko‘ra, cho‘ponlar yo‘qolgan chorvani izlab chegaraning qayd qilinmagan hududiga kirib qolgan. Bu yerda O‘zbekiston chegarachilarining guruhi bilan to‘qnashgan.
Janjal tezlikda mushtlashuvga aylangan. Uni to‘xtatish uchun chegarachilar havoga ogohlantirish tariqasida bir necha marta o‘q uzishiga to‘g‘ri kelgan. Xabarga ko‘ra, nizo oqibatida hech kim talafot ko‘rmagan.
Qirg‘iziston va O‘zbekiston chegarachilari sodir bo‘lgan voqea muhokamasi bo‘yicha uchrashuv o‘tkazgan.
Izoh (0)