Toshkentning “Paxtakor” klubi o‘z safiga ikki nafar mahalliy futbolchini qo‘shib oldi. Bu haqda “sherlar” matbuot xizmati ma’lum qildi.
“Surxon” yarim himoyachisi Abror Ismoilov va “Nasaf” himoyachisi Umar Eshmurodov erkin agent sifatida “Paxtakor” jamoasiga kelib qo‘shildi.
Tez orada 22 yoshini nishonlaydigan Ismoilov “Paxtakor” bilan uch yillik shartnoma imzolagan.
27 yoshli Eshmurodov bilan esa ikki yilga mo‘ljallangan bitim imzolangan.
O‘zbekiston olimpiya terma jamoasi a’zosi hisoblangan Ismoilov oliy divizionda 60 uchrashuvda maydonga tushgan. U shuningdek, “Neftchi” jamoasida ham to‘p surgan. Eshmurodov esa “Sho‘rtan” va “Nasaf” safida O‘zbekiston milliy chempionatida 152 ta o‘yin o‘tkazgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)