Prezident Shavkat Mirziyoyev Italiyaga safar qiladi. Bu haqda O‘zbekiston Investitsiyalar va tashqi savdo vazirligi xabaridan ma’lum bo‘ldi, lekin safar muddatlariga aniqlik kiritilmagan.
Xabar berishlaricha, vazir o‘rinbosari Shuhrat Vafoyev boshchiligidagi vazirlik delegatsiyasi 10—14-dekabr kunlari Italiyaning Milan va Rim shaharlarida bo‘lgan, Lombardiya mintaqasi rahbariyati, kompaniya, uyushma va ta’lim muassasalari vakillari bilan muzokaralar o‘tkazgan.
“Lombardiya gubernatori o‘rinbosari F.Sala bilan uchrashuvda Italiyaga oliy darajadagi tashrif doirasida tadbirlarga tayyorgarlik ko‘rishga qaratilgan chora-tadbirlarni amalga oshirish bo‘yicha kelishuvlarga erishildi”, — deyiladi vazirlik xabarida.
Ma’lumot uchun, Shavkat Mirziyoyev 2019-yilda Hindiston, Germaniya, BAA, Xitoy, Qirg‘iziston, Tojikiston, Belarus, Turkmaniston, Ozarbayjon, Yaponiya va Rossiyada tashrif bilan bo‘ldi.
Izoh (0)