Президент Шавкат Мирзиёев Италияга сафар қилади. Бу ҳақда Ўзбекистон Инвестициялар ва ташқи савдо вазирлиги хабаридан маълум бўлди, лекин сафар муддатларига аниқлик киритилмаган.
Хабар беришларича, вазир ўринбосари Шуҳрат Вафоев бошчилигидаги вазирлик делегацияси 10—14 декабрь кунлари Италиянинг Милан ва Рим шаҳарларида бўлган, Ломбардия минтақаси раҳбарияти, компания, уюшма ва таълим муассасалари вакиллари билан музокаралар ўтказган.
«Ломбардия губернатори ўринбосари Ф.Сала билан учрашувда Италияга олий даражадаги ташриф доирасида тадбирларга тайёргарлик кўришга қаратилган чора-тадбирларни амалга ошириш бўйича келишувларга эришилди», — дейилади вазирлик хабарида.
Маълумот учун, Шавкат Мирзиёев 2019 йилда Ҳиндистон, Германия, БАА, Хитой, Қирғизистон, Тожикистон, Беларусь, Туркманистон, Озарбайжон, Япония ва Россияда ташриф билан бўлди.
Изоҳ (0)