Shunday kasalliklar va holatlar borki, ularda tibbiy reabilitatsiya asosiy davolash kabi muhimdir. Tayanch-harakat tizimining lat yeyishlari, miya va orqa miya jarohatlari, turli xil sabablar ta‘sirida kelib chiqqan falajlar va jarohatlar, shu jumladan bolalar miya falaji, skolioz va umurtqalararo churra, insult va o‘tkir kardiologik kasalliklar, keng yoyilgan skleroz, kattalar va bolalarda nutq va yutish kasalliklari — bu hali tibbiy reabilitatsiya qilish uchun ko‘rsatmalar ro‘yxatining to‘liq holati emas. Kasallikning turiga va og‘irligiga qarab, u tananing buzilgan funksiyalarini to‘liq tiklaydi yoki bemorning holatini va hayot sifatini sezilarli darajada yaxshilaydi. Albatta, agar reabilitatsiya maxsus jihozlangan klinikalarda malakali reabilitatsiya mutaxassislari tomonidan amalga oshirilsa.
Balki bu kutilmagan bo‘lib eshitilishi mumkindir, ammo bugungi kunda Turkiya dunyodagi fizioterapevtik va uskunali reabilitatsiya qilish markazlaridan biri hisoblanadi.
Mamlakatda so‘nggi o‘n yil ichida hukumat va xususiy sarmoyadorlar ko‘magi bilan G‘arb tibbiyotining eng yaxshi yutuqlari va tajribasidan foydalanadigan innovatsion, yuqori texnologiyali tibbiy sanoat yaratildi, lekin ayni paytda moliyaviy jihatdan ancha arzonroq.
“Turkiya bugun tibbiy xizmat ko‘rsatish sohasida yaxshi imkoniyatlarni taqdim etmoqda. Bizga har kuni 165 mamlakatdan davolanish va reabilitatsiya qilish talablari kelib tushadi. 2018-yilda Turkiya klinikalari 890ming xorijiy bemorlarni qabul qilishdi, 2019-yilda taxminan 1 million kishini kutmoqdamiz”, — dedi Turkiya Tibbiyot turizmi assotsatsiyasi raisi Emin Chakmak.
Turkiya tiklovchi tibbiyotining shubhasiz afzalligi robotlashtirilgan reabilitatsiya hisoblanadi. Mamlakatda an‘anaviy reabilitatsiya usullari - fizioterapiya va gidroterapiya, massaj, davolovchi mashqlar terapiyasi va boshqalar – bilan bir qatordahatto falaj yoki komada bo‘lgan bemorlarda ham tayanch-harakat tizimining samarali rivojlanishiga imkon beradigan robotlashtirilgantizimlardan foydalaniladi.
Tibbiy reabilitatsiyada robotlardan muvaffaqiyatli foydalanishga misol sifatida LOKOMATni ko‘rsatish mumkin, bu — falaj, miya yoki orqa miya shikastlanishi, ortopedik yoki nevrologik kasalliklar natijasida yurish qobiliyatini yo‘qotgan bemorlar uchun, yurish davomidagi oyoq harakatiga taqlid qiluvchi robot tizimi. Ushbu usul miya va orqa miyaga qanday qadam tashlashni “eslatish” imkonini beradi. Yurish paytida nerv impulslari harakatga javob beradigan miya qismiga turtki beradi,va funksiyalarni tiklashga yordam beradi. Bemorlarning yurish paytida o‘zlarini oynada ko‘rish imkoniyati bu hissiyotni vizual xotirada saqlashga imkon beradi va motivatsiyaga ijobiy ta‘sir ko‘rsatadi, shuni inobatga olish kerakki, organizmning og‘ir holatida reabilitatsiya davri bir necha oy yoki hatto yillar davom etishi mumkin.
Robotlarsharofati bilan uzoq vaqt davomida to‘shakda yotgan kishi yurish lazzatini tuyishi mumkin. Hattoki vujudi bilan muvozanatni saqlagan holda to‘siqlarni yengib o‘tishi kerak bo‘lgan kompyuter simulyatsiya o‘yini yordamida sport hayajonini ham his qilishi mumkin.
Vertikalizator deb atalgan butkul harakatsiz kishilar uchun ham shunday fitness jihozlari borki- u bemorni oyoq massaji bilan bir qatorda tik holatda tutib turishga imkon beradi. Jarayon qon aylanishini normallashtirishga yordam beradi va tananing turg‘un holatini kamaytiradi.
Robotlar shuningdek jarohatlardan yoki insultlardan so‘ng oyoq-qo‘llarning yuqori qismini va qo‘l panjalarining funktsiyalarini tiklashda va umutqalararo churraning jarrohliksiz davolashda muvaffaqiyatli qo‘llaniladi.
Turkiya tibbiy turizm assotsiatsiyasining ma‘lumotlariga ko‘ra, o‘z mamlakatlarida jarrohlik amaliyotini o‘tkazish tavsiya etilgan umurtqa pog‘onasining bel va bo‘yin qismida churrasi bor bemorlarning 74% foizida Turkiyaning reabilitatsiya markazlarida umurtqa dekompressiya apparati yordamida davolanishdan keyin barqaror terapevtik samara kuzatilgan.
Kasallikning turiga va og‘irligiga qarab, bemorlar statsionar yoki ambulatoriya sharoitida reabilitatsiya qilinishi mumkin. Zamonaviy shinam xonalar va klinika qoshidagi mehmonxonalar ularning ixtiyorida. Barcha reabilitatsiya muolajalari davomida har bir bemor bilan shaxsiy reabilitatsiya mutaxassisi ishlaydi.
Turkiyaning reabilitatsiya markazlarida bemorlarning maishiy va ijtimoiy moslashuviga alohida e‘tibor beriladi. Oyoq-qo‘llarning rivojlanishi bilan bir qatorda, bemorlarga tiklangan harakat ko‘nikmalarini kundalik hayotda qanday qo‘llash kerakligi o‘rgatiladi. Masalan, ularga muzlatgich eshigini qanday ochish, kerakli narsani olish va hokazolar ko‘rsatadilar.
Turkiya hukumati chet ellik bemorlarning turkiya klinikalarida davolanishi oson va qulay bo‘lishi haqida qayg‘uradilar.
Shu maqsadda, 2005-yilda xorijiy bemorlarni qo‘llab quvvatlovchi Turkiya Tibbiyot turizmi assotsiatsiyasi (TTTA) tashkil etilgan.TTTA klinikani tanlashda yordam berishdan tashqari, chet ellik bemorlarga qo‘shimcha imtiyozlar, jumladan, aeroportdanmanzilga bepul yetkazish, Turkiyada mehmonxonalarda yashash uchun chegirmalar, bepul tarjimon xizmatlarini taqdim etish va boshqa ko‘p narsalarni kafolatlaydi.
Turkiyada davolanish va reabelitatsiya haqida Turkiya Tibbiyot turizmi assotsatsiyasing O‘zbekistondagi vakilidan batafsil ma’lumotga ega bo‘ling:
O‘zbekiston
+998 94 629 55 39
uzbekistan@thtdc.org
Reklama huquqi asosida.
Izoh (0)