27-dekabr kuni Muhammad al-Xorazmiy nomidagi AKT yo‘nalishidagi fanlarni chuqur o‘rganish bo‘yicha ixtisoslashtirilgan maktabning yangi binosining ochilish marosimida Huawei kompaniyasi O‘zbekiston Respublikasi Prezidentiga “O‘zbektelekom” AJ bilan hamkorlikda ochilgan innovatsion o‘quv xonasiga asoslangan “aqlli” ta’lim tizimini taqdim etdi.
Mamlakatimiz rahbarining tashrifi davomida Huawei kompaniyasi vakillari innovatsion texnologiyalardan foydalangan holda o‘quv jarayonini tashkil etishning ko‘rgazmali namoyishini o‘tkazdilar. CloudLink aqlli videokonferensiya aloqasi tizimi asosida, kompaniyaning Xitoydagi bosh qarorgohining o‘quv markaziga ulanish amalga oshirildi. Mazkur yechim o‘qituvchiga real vaqt tartibida dunyoning istalgan burchagida turib ham bir nechta o‘quv yurtlari uchun ma’ruza darslarini o‘tkazish imkonini beradi. Do‘stona boshqaruv interfeysi tufayli mazkur tizimdan o‘qituvchi ham, talaba ham osonlik bilan foydalanishi mumkin.
“Aqlli” o‘quv xonasi, shuningdek, darsliklar va yozuv anjomlaridan foydalanish ehtiyojini kamaytiradigan terminal qurilmalari (media-planshetlar) bilan jihozlangan.
Huawei’ning “Smart Education” loyihalari uchun maxsus ishlab chiqilgan dasturiy ta’minoti media-planshetlar bilan ham birlashtirilgan bo‘lib, o‘qituvchi real vaqt tartibida:
- talabalar faoliyatini kuzatishi mumkin;
- media resurslarni (prezentatsiyalar, o‘quv filmlari va boshqalarni) o‘quvchilarning media-planshetlariga ham, aqlli doskalarga ham uzatishi mumkin;
- imtihon sinovlarini o‘tkazishi mumkin (imtihon tugaganidan so‘ng darhol natijani ma’lum qilish imkoniyati bilan).
“CloudLink Board – bu video konferensiyalar uchun aqlli ish stantsiyasi bo‘lib, u interfaol aloqa, kontentni simsiz uzatish va boshqa shu kabi imkoniyatlarga ega. Ovoz boshqaruvi, aqlli uzatish, yuzni aniqlash texnologiyasi va sun’iy intellektga asoslangan boshqa funksiyalarga egaligi tufayli CloudLink Board sizga real vaqt tartibida ishtirokchilarning hamkorlikda ishlashiga mo‘ljallangan mutlaqo yangi intelektual video konferensiyalarga kirish huquqini beradi”, – dedi, Huawei Uzbekistan’ning jamoatchilik va davlat organlari bilan aloqalar bo‘yicha direktori Davron Azizov.
2020-yilda Huawei kompaniyasi Xalq ta’limi vazirligi bilan hamkorlikda mazkur aqlli tizimlarni Toshkentdagi yana ikkita maktabda qo‘llashni rejalashtirmoqda.
Huawei kompaniyasi ta’limga katta e’tibor bermoqda va O‘zbekistonda AKT yo‘nalishidagi iste’dodli yoshlarni qo‘llab-quvvatlash va rivojlantirishga hissa qo‘shmoqda. Kompaniya tomonidan o‘quv xonalarini “aqlli” ta’lim tizimlari bilan jihozlash bo‘yicha bir nechta loyihalar amalga oshirilgan edi. Jumladan, Toshkent shahridagi 59-sonli maktabda va International house litseyida “aqlli” o‘quv xonalari ochilgan edi. Doimiy ravishda, “Seeds for the Future” global loyihasi doirasida Toshkent axborot texnologiyalari universiteti, Toshkent shahridagi Inha universiteti, China Campus Network va Jurnalistika universiteti kabi o‘quv yurtlari bilan hamkorlik aloqalari olib borilmoqda.
Reklama huquqi asosida.
Izoh (0)