Ўзбекистон Президенти Huawei компанияси томонидан Муҳаммад ал-Хоразмий номидаги ихтисослаштирилган мактабда тақдим этилган «ақлли» синф хонасига ташриф буюрди

27 декабрь куни Муҳаммад ал-Хоразмий номидаги АКТ йўналишидаги фанларни чуқур ўрганиш бўйича ихтисослаштирилган мактабнинг янги биносининг очилиш маросимида Huawei компанияси Ўзбекистон Республикаси Президентига «Ўзбектелеком» АЖ билан ҳамкорликда очилган инновацион ўқув хонасига асосланган «ақлли» таълим тизимини тақдим этди.

Мамлакатимиз раҳбарининг ташрифи давомида Huawei компанияси вакиллари инновацион технологиялардан фойдаланган ҳолда ўқув жараёнини ташкил этишнинг кўргазмали намойишини ўтказдилар. CloudLink ақлли видеоконференция алоқаси тизими асосида, компаниянинг Хитойдаги бош қароргоҳининг ўқув марказига уланиш амалга оширилди. Мазкур ечим ўқитувчига реал вақт тартибида дунёнинг исталган бурчагида туриб ҳам бир нечта ўқув юртлари учун маъруза дарсларини ўтказиш имконини беради. Дўстона бошқарув интерфейси туфайли мазкур тизимдан ўқитувчи ҳам, талаба ҳам осонлик билан фойдаланиши мумкин.

«Ақлли» ўқув хонаси, шунингдек, дарсликлар ва ёзув анжомларидан фойдаланиш эҳтиёжини камайтирадиган терминал қурилмалари (медиа-планшетлар) билан жиҳозланган.

Huawei’нинг «Smart Education» лойиҳалари учун махсус ишлаб чиқилган дастурий таъминоти медиа-планшетлар билан ҳам бирлаштирилган бўлиб, ўқитувчи реал вақт тартибида:

- талабалар фаолиятини кузатиши мумкин;

- медиа ресурсларни (презентациялар, ўқув фильмлари ва бошқаларни) ўқувчиларнинг медиа-планшетларига ҳам, ақлли доскаларга ҳам узатиши мумкин;

- имтиҳон синовларини ўтказиши мумкин (имтиҳон тугаганидан сўнг дарҳол натижани маълум қилиш имконияти билан).

«CloudLink Board – бу видео конференциялар учун ақлли иш станцияси бўлиб, у интерфаол алоқа, контентни симсиз узатиш ва бошқа шу каби имкониятларга эга. Овоз бошқаруви, ақлли узатиш, юзни аниқлаш технологияси ва сунъий интеллектга асосланган бошқа функцияларга эгалиги туфайли CloudLink Board сизга реал вақт тартибида иштирокчиларнинг ҳамкорликда ишлашига мўлжалланган мутлақо янги интелектуал видео конференцияларга кириш ҳуқуқини беради», – деди, Huawei Uzbekistan’нинг жамоатчилик ва давлат органлари билан алоқалар бўйича директори Даврон Азизов.

2020 йилда Huawei компанияси Халқ таълими вазирлиги билан ҳамкорликда мазкур ақлли тизимларни Тошкентдаги яна иккита мактабда қўллашни режалаштирмоқда.

Huawei компанияси таълимга катта эътибор бермоқда ва Ўзбекистонда АКТ йўналишидаги истеъдодли ёшларни қўллаб-қувватлаш ва ривожлантиришга ҳисса қўшмоқда. Компания томонидан ўқув хоналарини «ақлли» таълим тизимлари билан жиҳозлаш бўйича бир нечта лойиҳалар амалга оширилган эди. Жумладан, Тошкент шаҳридаги 59-сонли мактабда ва International house лицейида «ақлли» ўқув хоналари очилган эди. Доимий равишда, «Seeds for the Future» глобал лойиҳаси доирасида Тошкент ахборот технологиялари университети, Тошкент шаҳридаги Инҳа университети, China Campus Network ва Журналистика университети каби ўқув юртлари билан ҳамкорлик алоқалари олиб борилмоқда.

Реклама ҳуқуқи асосида.