Sirdaryoda Cobalt avtomobilini boshqarib ketayotgan haydovchi piyodani urib yubordi. IIV YHXBB axborot xizmatining yozishicha, jabrlanuvchi kasalxonada vafot etgan.
Ko‘ngilsiz hodisa 26-dekabr kuni soat 20:30 larda Sirdaryo viloyati Xovos tumani hududidan o‘tuvchi 4R-32 “Yangiyer—Paxtakor” avtomobil yo‘lining 16-kilometrida sodir bo‘lgan. Xovos tumanida yashovchi 1981-yilda tug‘ilgan J.A. Cobalt rusumli avtomobilini boshqarayotib, yo‘lni belgilanmagan joydan kesib o‘tayotgan piyodani urib yuborgan.
Ma’lumotlarga ko‘ra, jabrlanuvchi Mirzaobod tumanida yashagan, 1991-yilda tug‘ilgan G‘.B. ismli fuqaro bo‘lgan. G‘.B. olgan tan jarohatlari oqibatida kasalxonada vafot etgan.
Mavzuga doir: Angrenda maktab o‘quvchisini mashina urib ketdi
Izoh (0)