Ozarbayjon yevrointegratsiya doirasida barcha zaruriy qadamlarni qo‘ydi, agar Yevropa Ittifoqiga a’zolik doirasidagi yevrointegratsiya haqida gapiriladigan bo‘lsa, bu imkonsiz, dedi Ozarbayjon prezidenti Ilhom Aliyev.
“RIA Novosti”ning xabar berishicha, Оzarbayjon prezidenti mamlakatning YXHT, Yevropa kengashi va boshqa yevrotuzilmalar a’zosi ekanligini ham eslatib o‘tgan.
“Menimcha, biz yevrointegratsiya bo‘yicha o‘z qadamlarimizni qo‘ydik, keyingi qadamlarga ehtiyoj yo‘q va ular samarasiz bo‘ladi”, — dedi Aliyev mamlakat telekanallariga bergan intervyusida.
Ilhom Aliyev Turkiyani misol qilib keltirdi. “Turkiyaning Yevroittifoqqa a’zo bo‘lmayotganining yagona sababi uning musulmon davlati ekanligi. Buni hozir ular ochiq aytishyapti. Shunday ekan, Ozarbayjonni ular qabul qiladimi? Yo‘q”, — deydi Aliyev.
Izoh (0)