18-dekabr kuni Piskent tumanidan o‘tuvchi yo‘lda sodir bo‘lgan YTH oqibatida 65 yoshli fuqaro vafot etdi. Bu haqda Tergov departamenti xabar berdi.
Soat taxminan 21:00 larda 30 yoshli Z.I. Cobalt rusumli avtomashinasida Piskent tumani 4R20 sonli avtomobil yo‘lining “Qorasuv—Bekobod” yo‘nalishi bo‘ylab harakatlanib, yo‘lni kesib o‘tayotgan 65 yoshli piyoda A.K.ni urib yuborgan.
YTH oqibatida A.K. olgan tan jarohatlari bilan Bo‘ka tuman markaziy shifoxonasiga yotqizilgan. Biroq A.K.ga ko‘rsatilgan tibbiy muolajalarga qaramasdan shifoxonada vafot etgan.
Mazkur holat yuzasidan Piskent tuman IIB huzuridagi Tergov bo‘limi tomonidan Jinoyat kodeksining 266-moddasi 2-qismi (Odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Hozirda ushbu jinoyat ishi bo‘yicha dastlabki tergov harakatlari olib borilmoqda.
Izoh (0)