FDG developerlik kompaniyasining bosh direktori Oybek Shodiyev kompaniyaning o‘tgan yil davomida erishgan bosh yutuqlari haqida gapirib berdi, Toshkent ko‘chmas mulk bozoriga bo‘lgan qarashi bilan o‘rtoqlashdi va so‘nggi uch yil davomida developerlik sohasida qanday o‘zgarishlar bo‘lib o‘tganini aytib berdi.
— First Development Group — bu bozorga yetarli darajada jadal kirib kelgan kompaniya. Sizning developer sifatida yo‘lingiz nimadan boshlanganini gapirib bersangiz.
— Qurilish materiallari sohasida xalqaro bozorida 10 yil ishlash davomida biz tomondan qurilish industriyasida katta tajriba orttirilgan. 2016—2017-yillarda O‘zbekistonda boshlangan ahamiyatli islohotlar, investitsion iqlimning jonlanishi, Vatanda ishlashga bo‘lgan xohish – bularning hammasi bu yerda developerlik kompaniyasini noldan boshlash qaroriga asos bo‘ldi. So‘nggi uch yil davomida nafaqat biznes uchun yangi imkoniyatlar, balki aholining farovonligi o‘smoqda, va natijada, odamlarning qulay, zamonaviy yashash joyiga talabi ham oshmoqda. Shuning uchun, biz 2017-yilda biz kompaniyani shakllantirish haqida to‘g‘ri qaror qabul qilib, birinchi loyihamiz — Parkent Plaza TJKni ishlab chiqishga kirishdik.
FDG kompaniyasi uchun sizning fikringiz muhim bo‘lib, xizmat ko‘rsatish darajasini oshirish maqsadida qisqa so‘rovnomani o‘tishingizni taklif qiladi.
— O‘sha paytlarda o‘tkazilgan islohotlarga qaramay, bozordagi vaziyat hali yetarlicha noaniq edi. Bunday holatda developerlik kompaniyani ishga tushirish qanchalik qiyin bo‘ldi?
— Xa, har qanday biznesda investorlar va mijozlar uchun tavakkalchiliklar va xatarlar mavjud. Investorlar bozorga katta ehtiyotkorlik bilan qadam bosar edilar, va men ular bilan qayta va qayta uchrashuvlar o‘tkazib, biz – katta salohiyatga, ishonchli jozibador bozorga ega davlat ekanligimizni ishontirishga majbur edim. Biz investorlarning umidlarini to‘liq oqladik - investitsiyalar o‘zini qoplamoqda, insonlar ham xonadonlarni nafaqat o‘zlari uchun xarid qilmoqdalar, balki ko‘chmas mulkka poydevor uchun chuqur qazish bosqichida pul kiritmoqdalar – bu holda o‘rtacha daromad, yillik 20—25% ni tashkil etadi.
— 2019-yilni O‘zbekistonda qurilish sohasidagi shov-shuv yili deb atash mumkin, va aholi bunga nisbatan turli munosabatda bo‘lmoqda. Bunday tezlashtirilgan qurilish ishlari shaharning qiyofasiga va infratuzilmasiga qanday ta’sir ko‘rsatmoqda?
— Biz 2019 davomida kuzatgan o‘sib borayotgan raqobat va Toshkentning yangi uylaridagi turar joylariga bo‘lgan talabning oshishi sharoitlarida bu tabiiy holat. Biroq, hozirdan ko‘rib turibmizki, ko‘plab tumanlarning holati yaxshilanmoqda, insonlar, lozim bo‘lgan darajadagi qulaylik va xavfsizlik mavjud bo‘lgan, yaxshi qaralgan hovlilar va rivojlangan hududli, zamonaviy, shinam uylarga ko‘chmoqdalar. Yangi turar joy komplekslarining barpo etilishi butun tuman infratuzilmasining rivojlanishi uchun sharoit yaratmoqda: yangi do‘konlar, tibbiy va ta’lim muassasalari ochilmoqda, yo‘llar tuzatilmoqda, ko‘kalamzorlashtirish ishlari olib borilmoqda.
—2019-yil aynan sizning kompaniyangiz uchun ham shunday ilg‘or bo‘ldimi? Xa bo‘lsa, nima sababdan?
— Biz uchun 2019-yilda bo‘lib o‘tgan eng muhim hodisa — bizning FDG brendimizning rivojlanishi. Bu yili bizning faoliyatimiz Parkent Plaza bitta samarali loyiha chegaralarining ortiga chiqib ketdi va biz o‘zimiz haqida, professional ishlash standartlariga, uzoq muddatli maqsadlarga, qurilish materiallarini ishlab chiqarish, loyihalashtirish va boshqalar bilan shug‘ullanayotgan kompaniyalar bilan mustahkam hamkorlik aloqaraliga ega ishonchli developerlik kompaniyasi sifatida namoyon qilish vaqti kelganini anglab yetdik. 2019-yilda kompaniya ko‘lami oshib bordi, qurilish sur’atlari tezlashdi. Bu yili bizning birinchi, Parkent Plaza turar joy kompleksining amalga oshirilgan debyutli loyihasining 18 ming kvadrat metr yashash va tijorat ko‘chmas mulk maydonini foydalanishga topshirdik. Kompleksning umumiy maydoni 40 ming kvadrat metr tashkil etadi, qurilishning birinchi fazasi o‘z muddatida yakunlandi, ikkinchi fazaning topshirilishi keyingi yilning birinchi choragida rejalashtirilgan.
Beshta blokdan tashkil topgan, umumiy maydoni 20 ming kvadrat metr atrofida bo‘lgan va Mirzo Ulug‘bek tumanidagi barcha uylardan butunlay farq qilgan Riverside to‘qqiz qavatli yashash kompleksining qurilishi boshlangan .
Uning asosiy xususiyati — Qorasuv daryosi qirg‘og‘ida joylashganligi. Obodonlashtirilgan daryoning qirg‘og‘ida hordiq chiqarish, baliq ovlash va kaboblar pishirish uchun mahsus joylar ajratiladi. Ushbu tuman infratuzilmasi juda keng rivojlangan, bolalar bog‘chalari va maktablar, tibbiy muassasalar va boshqasi bir qadam masofada joylashgan bo‘lib, yangi kompleksdan markazgacha atigi 20 daqiqada yetib borish mumkin. Yangi TJKning eng muhim jihati — bu xonadonlarning smart-rejalashtirilishi bo‘lib, bu yerda har bir kvadrat metr maksima darajada foydalanish uchun mo‘ljallangan. To‘rtinchi va beshinchi bloklar yashash uchun tayyor holatda topshiriladi.
Yangi loyihalarning ishga tushirilishi jamoamizni kengaytirgani mantiqan to‘g‘ri. Bu yil davomida loyiha menejerlari, yetakchi muhandislarni o‘z ichiga oladigan boshqaruv tarkibi 15 kishidan 50 kishigacha ko‘paydi.
—Parkent Plaza kompleksi, turar joy komplekslariga LEED sertifikatini olgan, MDHdagi ilk loyiha bo‘ldi. Bu kompaniya uchun qanchalik muhim? Va eng qizig‘i, uylarning kelgusi yashovchilari uchunchi?
— Biz birinchi bo‘lib Parkent Plaza turar-joy komplekslariga LEED sertifikatlariga yo‘limizning eng boshida ega bo‘ldik, shuning uchun ham, bu biz uchun katta ahamiyatga ega. LEED (angl. Leadership in Energy and Environmental Design – izohi) tarjima qilinganda “Energetik va ekologik loyihalashtirishdagi yetakchilik” ma’nosini anglatadi va “yashil” deb atalmish binolar uchun reyting tizimi bo‘lib hisoblanadi. LEED tizimi United States Green Building Council tomonidan quvvat jihatdan samarali, ekologik toza va mustahkam binolarning, qurilish industriyasining bunday binolarni loyihalashtirish, qurish va foydalanishga topshirishga o‘tish maqsadida o‘lchash standarti sifatida ishlab chiqarilgan. Bizning mijozlarimiz uchun FDG o‘z faoliyatida “yashil qurilish” tamoyillariga asoslanib ish tutishini, tayyor obyektlar esa quvvat jihatdan samaradorlikni va ekologik tozaligi kafolatiga ega ekanligini bildiradi.
— Shubhasiz, 2020-yilda qurilish kompaniyalari orasidagi raqobat tobora o‘sib boradi. Kompaniyaning 2020-yilga rejalari qanday, yangi loyihalarning g‘oyalari mavjudmi?
— 2020-yilda FDG kompaniyasi o‘z oldiga 5 obyektni ishga tushirish bo‘yicha maqsad qo‘ygan bo‘lib, ularning orasida nafaqat turar joy komplekslari, balki biznes-markazlar, mehmonxonalar, maktablar va bolalar bog‘chalari mavjud. Atrofda hamma narsa bunchalik tez qurilar ekan, insonlarda tabiiyki yangi qurilgan binolarning ishonchliligi borasida savollari vujudga keladi. Ko‘pincha, bu qurilish materiallariga bog‘liq. Biz Peri nemis brendining ta’minotchilari bilan ishlaymiz — ularning qurilish havozalari va opalubkalari 1969-yildan beri ishlab chiqarilayotgan bo‘lib, ushbu segmentda eng ishonchli kompaniyalardan biri bo‘lib hisoblanadi. Bu bizga qimmatroq tushmoqda, biroq biz yaxlit qurilishning sifati va tezligiga, uning zilzilabardoshligiga kafolat bera olamiz. Biz muhandislik me’yorlariga to‘liq amal qilib, sifat nazoratini ta’minlamoqdamiz.
Qurilish xavfsizligidan tashqari, biz yashash xavfsizligi va qulayligi haqida qayg‘uramiz: kunduz-kecha ishlaydigan qo‘riqlash tizimi va videokuzatishni o‘rnatamiz, mashinalarsiz hovli konsepsiyasini joriy etamiz, natijada jamoatchilik joylari avtomobillar parkovkasi emas, hordiq chiqarish uchun joylarga aylanadi. Biz obyektlarimizni, huddi o‘zimiz yashashni istagan uylar kabi quramiz.
Mijozlarning fikri biz uchun birinchi navbatda juda muhim. Shu sababli, o‘quvchilariga O‘zbekiston fuqarolari uchun mo‘ljallangan, ularning qurilishni rivojlantirish va ko‘chmas mulkni xarid qilish sohasidagi taklif va istaklari bo‘yicha quyida keltirilgan formadagi so‘rovnomadan o‘tishni taklif qilamiz.
(+998) 78−150−55−11
Takliflaringizni berish bo‘yicha doimiy liniya telefon raqami 93 505 64 46
Reklama huquqi asosida.
Izoh (0)