Yaqin o‘tmishda O‘zbekiston mehmonxonalar tarmog‘ida xalqaro mehmonxonalar juda kam edi. Ba’zi xalqaro tarmoqlar mamlakatdagi investitsion muhit nomuvofiq bo‘lganligi sababli o‘z biznesini yig‘ishtirishga majbur bo‘lgan edilar. Biroq hozir vaziyat ijobiy tomonga o‘zgarmoqda. Mamlakatimizdagi sayyohlik infratuzilmani qaysi global tarmoqlar rivojlantirishga tayyor ekanligi haqida “Tashkent City” Xalqaro ishbilarmonlik markazi rahbariyati vakillari so‘zlab berdilar.
So‘nggi paytlarda O‘zbekistonda turizmni rivojlantirish va ushbu sohani iqtisodiyotning strategik sohasiga aylantirish bo‘yicha reja asosida faol ishlar olib borilmoqda. Chet ellik fuqarolar oldida O‘zbekiston imijini ijobiy tarafga shakllantirish uchun ko‘plab xalqaro tadbirlar o‘tkazildi. Mamlakatimiz prezidenti Shavkat Mirziyoyev tomonidan turistik biznesni rivojlantirishga yo‘naltirilgan meyoriy-huquqiy hujjatlar qabul qilindi va 2019—2025-yillarda turizm sohasini rivojlantirish Konsepsiyasi ishlab chiqildi. Bundan tashqari, 2020-yildan boshlab fuqarolari O‘zbekistonga vizasiz kirish mumkin bo‘lgan mamlakatlar soni 86 tani tashkil etadi.
O‘zbekiston Respublikasi Turizmni rivojlantirish Davlat qo‘mitasi tomonidan berilgan so‘nggi statistik ma’lumotlarga muvofiq joriy yilning 9 oy mobaynida mamlakatimizga 4,9 mln sayyoh tashrif buyurgan. Kelgusi yili ushbu raqam 5 milliondan oshishi kutilmoqda.
Albatta, ushbu salobatli raqamlar optimizm tug‘diradi. Shu bilan bir qatorda ular hukumat organlari oldiga mamlakatimizdagi turistik infratuzulmani yanada yaxshilash, O‘zbekistonga tashrif buyurayotgan chet ellik sayyohlar dam olishi uchun munosib sharoitlar yaratish, servis sifatini oshirish, yangi mehmonxonalar qurish kabi vazifalarni qo‘yadi.
Yaqinda O‘zbekiston mehmonxonalar bozori rivojlanmagan deb hisoblanar edi, chunki bu yerda xalqaro mehmonxonalar juda kam edi. Ba’zi xalqaro tarmoqlar mamlakatdagi investitsion muhit nomuvofiq bo‘lganligi va kafolatlar yo‘qligi sababli o‘z biznesini yig‘ishtirishga majbur bo‘lgan edilar. Xususan InterContinental Group, Dedeman, Le Meridiyen va Sheraton o‘z biznesini yopishgan edi. 2005-yildan 2016-yilgacha poytaxtimizda faqatgina bitta xalqaro klassdagi Hyatt Regency mehmonxonasi qurilgan edi. Shak-shubhasiz bu O‘zbekistonning turistik sohasini rivojlantirishga salbiy ta’sir etar edi.
Mamlakatda xalqaro mehmonxonalar brendlarini mavjudligi psixologik nuqtayi nazardan chet ellik sayyohlar o‘z dam olishini rejalashtirishda muhim omil hisoblanadi. Yirik mehmonxonalarni mavjudligi mamlakatni ochiqligi, uning imiji ijobiyligi, shinamlik va xavfsizlik darajasi yuqori ekanligidan dalolat beradi. Shu sababli mamlakat rahbariyati tomonidan hududga yangi va ochiq O‘zbekistonni ramz etuvchi Tashkent City flagman loyihasini va ushbu soha yetakchilarini jalb etish masalasi qo‘yilgan edi.
Tashkent City hududida bir necha xalqaro brendlarning turli maqomli va qiymatli mehmonxonalari joylashadi. Masalan, Lot №2 hududida Radisson tarmog‘iga kiruvchi o‘rta qiymatli Park Inn mehmonxonasi quriladi. Ushbu mehmonxona 20 qavatli binolarning birida joylashadi. 2021-yilda ochiladigan ushbu mehmonxonada 300 ta xona, 50 ta koshona xona, tadbirlar o‘tkazish uchun 5 konferens-zal, restoran, bar, trenajyor zal va boshqa ko‘ngilochar maskanlar va savdo rastalari joylashadi.
Lot №3 investorlari ushbu yerda besh yulduzli Sheraton mehmonxonasini ochishga kelishib oldilar. Fransuz operatori uchun bu O‘zbekistonga ikkinchi marotaba kirib kelishi bo‘ladi. Kompaniya mamlakatimizda investitsion holat yaxshilanganligi sababli O‘zbekistonga qaytishga qaror qildi. Besh yulduzli mehmonxona qurilayotgan balandligi 129 metr bo‘lgan 32 qavatli binoda joylashadi. Sheraton fondi 208 ta turli qulaylikdagi xonadan va 100 ta koshona xonadan iborat bo‘lishi rejalashtirilgan. Mehmonxonani ishga tushirilishi 2021-yilda amalga oshadi.
Lot №4 ning dastlabki loyihasida 2021-yilda ushbu yerda O‘zbekistonga ilk bor Nest One osmono‘par imorat barpo etiladi. Shuningdek bu yerda xalqaro klassdagi mehmonxonani qurish rejalashtirilmoqda. Hozirgi paytda bir necha “lyuks” klassli yetakchi mehmonxonalar operatorlari bilan muzokaralar olib borilmoqda. Kelishuvni imzolanishi kelgusi yilga rejalashtirilgan.
Bundan tashqari hozirgi paytda Tashkent City hududida Hilton lyuks mehmonxonasi muvaffaqiyatli faoliyat olib bormoqda. Hilton Tashkent City O‘zbekistonda yirik xalqaro forum va sammitlar o‘tkazish uchun eng bosh mehmonxona bo‘lib qoldi, chunki bu yerda biryo‘la 8 prezident nomerlari mavjud.
Lot №7 mehmonlarni InterContinental Group tarmog‘iga kiruvchi Holiday Inn mehmonxonasi bilan xursand qiladi. Shuni ta’kidlash lozimki, Sheraton kabi InterContinental Group ham bizning mehmonxonalar bozorimizga ikkinchi marotaba mustahkam o‘rnashib olish uchun urinishidir. Ushbu to‘rt yulduzli mehmonxona mumtoz arxitektr uslubda barpo etiladi va Boulevard majmuasi bilan yagona ansambl tashkil etadi. 272 xonadan, shu jumladan 8 ta lyuks xona va 4 ta kichik lyuks xonadan, iborat va interyeri Moskvaning yetakchi dizayn-studiyalaridan biri tomonidan yaratiladigan ushbu mehmonxona birinchi tashrif qiluvchilarni 2020-yilda qabul qiladi. Holiday Inn mehmonxonasini ajratib turadigan xususiyati – bu Tashkent City xushmanzara tomosha bog‘iga qarab turuvchi restoranidir.
Shunday qilib, xalqaro markazning sakkizta lotida jahonning turli tarmoqlarini ifodalab beruvchi beshta mehmonxona joylashadi. Bu hammasi mamlakatimizda amalga oshirilayotgan eng yirik shaharsozlik loyihaga jahonda mashhur sarmoyadorlarning ishonchini bildiradi va O‘zbekistonda biznes muhitni va turistik sohani yaxshilash bo‘yicha amalga oshirilayotilgan ishlarga yuksak bahodir.
Reklama huquqi asosida.
Izoh (0)