Statistika ma’lumolariga ko‘ra, dunyodagi har besh oiladan biri homiladorlik yoki bola tug‘ish muammosiga duch keladi. Ayollarda ham, erkaklarda ham reproduktiv (farzand ko‘rish) funksiyasi buzilishining ko‘plab sabablari mavjud. Lekin, ko‘p hollarda, eng so‘nggi reproduktiv texnologiyalar sababli, bunday oilalarda hali ham farzand ko‘rish imkoni bor.
Odamlar hali ham “probirkada” amalga oshiriluvchi, zamonaviy homiladorlik usullariga ishonchsizlik bilan qarasalar-da, ko‘plab juftliklar uchun bu farzand ko‘rish uchun yagona imkoniyatdir. Bugungi kunda, sun’iy urug‘lantirishning ko‘plab turli usullari mavjud. Ular odatiy tarzdagi homiladorlik natijasida tug‘ilgan boshqa bolalardan na jismoniy va na aqliy jihatdan farq qilmaydigan, sog‘lom bolani dunyoga keltirishga yordam beradi.
Hozirda, ushbu usullar dunyoning EKO sohasidagi yetakchi markazlardan biri bo‘lgan “Anadolu” (Istanbul, Turkiya) tibbiyot markazida muvaffaqiyatli qo‘llanilmoqda. Bu markaz ko‘rsatayotgan keng turdagi muolajalar erkaklar va ayollar bepushtligini an’anaviy davolashdan boshlab, dunyo miqyosida taklif etilayotgan eng yangi usul va texnologiyalargacha bo‘lgan barcha xizmatlarni o‘z ichiga olgan:
Bachadon ichidagi urug‘lantirish
Bu yordamchi reproduktiv texnologiya bo‘lib, u erkakning oldindan tayyorlangan spermasini shifoxona sharoitida ayolning bachadoniga yuborishni nazarda tutadi.
IKSI – spermatozoidlarning ichki sitoplazmatik inyeksiyasi
Usulning mohiyati shundaki, erkakning sog‘lom, faol spermatozoidi oldindan tanlab olinadi va laboratoriya sharoitida, mikroigna yordamida to‘g‘ridan-to‘g‘ri tuxum hujayra ichiga kiritiladi. Urug‘lantirish natijasida hosil bo‘lgan embrion bachadonga qayta joylanadi.
EKO – bachadondan tashqari urug‘lantirish
Bugungi kunda, EKO yordamchi reproduktiv texnologiyalarning eng keng tarqalgan va samarali turi bo‘lib, u tuxum hujayrani bachadondan tashqarida urug‘lantirish va o‘stirishni nazarda tutadi.
IVM – tuxum hujayralarni probirkada o‘stirish
Ushbu usul yordamida, yetilmagan tuxum hujayralari ayol organizmidan olinib, ularni laboratoriya sharoitida yetishtiriladi. Bu davolanishda qo‘llaniladigan gormonli dorilar miqdorini sezilarli darajada kamaytirib, natijada tuxumdonlarning oriqcha kuchli faoliyati (giperstimulyatsiyasi) xavfi paydo bo‘lishining oldini oladi.
Mikro-teze (micro-TESE) - spermaning moyak ichidan mikroxirurgik yo‘l bilan olinishi
Bu mikroskop yordamida amalga oshiriluvchi, kam invaziv moyak biopsiyasidir. Ushbu muolaja kam travmatik bo‘lib, spermani maksimal darajada aniq va sifatli qilib olish imkonini beradi, natijada esa, muvaffaqiyatli urug‘lantirish imkoniyati oshadi.
Yordamchi xetching — embrion qobig‘ini sun’iy ravishda ochish
Bu mikroxirurgik usul bo‘lib, u embrionga o‘zining haddan tashqari kuchli himoya membranasini yengib o‘tib, endometriy hujayralariga o‘rnashib olishiga imkon beradi.
Tuxum hujayra kriokonservatsiyasi
Ushbu usul, homiladorlik yaqin kelajakda rejalashtirilmagan taqdirda, ayolning avvaldan tanlab olingan sog‘lom tuxum hujayralarini uzoq vaqt davomida saqlash imkonini beradi.
Tuxumdonlar va bachadonni PRP yoshartirish
Tuxumdon atrofiga PRP (trombotsitlar bilan boyitilgan, ayolning o‘z qon plazmasi)ni yuborish to‘qimalarning yosharishi va yangi, sog‘lom tuxum hujayralarining vujudga kelishiga yordam beradi. Shuningdek, bu usul bachadon to‘qimasining yangilanishiga yordam beradi. EKO muvaffaqiyatli o‘tkazilgan bo‘lsa-da, endometriy bilan bog‘liq muammolar sababli, embrion (homila) mustahkam o‘rnasha olmagan taqdirda, bachadon to‘qimasining yangilanishi ayniqsa muhimdir.
Embrioglyu - embrion yelimi
Bu yangi usul bo‘lib, undan embrionni bachadon ichiga o‘tkazish paytida uni endometriy to‘qimasiga muvafaqqiyatli va mustahkam o‘rnatish uchun foydalaniladi. Bu usul muvaffaqiyatli homiladorlik ehtimolini 25 foizga oshiradi.
Eng ilg‘or reproduktiv texnologiyalardan foydalanar ekan, “Anadolu” tibbiyot markazi eng og‘ir holatlarda ham, bepushtlikni davolashda doimo yuqori natijalarni ko‘rsatib kelmoqda. Markaz mutaxassislari - Amerikada sertifikatlangan/ta’lim olgan, katta tajribaga ega, yuqori malakali shifokorlardir.
“Anadolu” shifokorlaridan davolanish borasida mutlaqo bepul maslahat olishingiz mumkin. Bu uchun, telefon, elektron pochta yoki veb-sayt orqali so‘rov yuboring.
Telefon: (+90) 262−678−54−67, (+90) 262−678−50−22
Elektron pochta: int.patients@anadolusaglik.org
Sayt: https://www.anadolumedicalcenter.ru/ivf-anadolu/
Reklama huquqi asosida.
Izoh (0)