Futbol bo‘yicha Angliya Premyer ligasining 18-turi doirasida 22-dekabr, yakshanba kuni Ole-Gunnar Sulsher qo‘l ostidagi “Manchester Yunayted” safarda “Uotford” bilan bahsga kirishdi.
Uchrashuvning 50-daqiqasida mezbon jamoa yarim himoyachisi Ismaila Sarr hisobni ochgan bo‘lsa, oradan 4 daqiqa o‘tib Troy Dini David De Xea qo‘riqlayotgan darvozaga penaltidan gol urib, hisobni 2:0 ko‘rinishiga olib keldi.
Shu tariqa “mankunianlar” mehmonda kechgan bahsda “Uotford”ga 0:2 hisobida imkoniyatni boy berib qo‘ydi va ochko yo‘qotdi.
Ma’lumot uchun, “Yunayted” 25 ochko to‘plagan holda musobaqa jadvalida 8-o‘rinda bormoqda. So‘nggi o‘rindagi “Uotford” esa 12 ochko yig‘gan.
APL
18-tur bahsi
22-dekabr, yakshanba
“Uotford”—“Manchester Yunayted” 2:0
Gollar: 1:0 — 50 Sarr, 2:0 — 54, penalti Dini“Uotford”: Foster, Mariappa, Femeniya, Ketkart, Kabasele, Dukure (Chaloba, 69), Kapu (Pereyra, 77), Xyuz, Sarr (Saksess, 87), Dini, Deulofeu
“Manchester Yunayted”: De Xea, Maguayr, Uan-Bissaka, Shou, Lindelyof, Maktominey (Mata, 72), Lingard (Pogba, 64), Jeyms (Grinvud, 58), Fred, Marsyal, Reshford
Ogohlantirishlar: Kapu (36), Shou (38), Dukure (51), Ketkart (90)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)