Qashqadaryo viloyati hokimi vazifasini bajaruvchi Zoir Mirzayev Yunusoboddagi metro qurilishida yuz bergan yer o‘pirilishi oqibatida halok bo‘lgan 4 nafar qashqadaryolik ishchining yaqinlari holidan xabar oldi. Bu haqda Nasafnews xabar berdi.
Yunusoboddagi metro qurilishida 18-dekabr, chorshanba kuni yuz bergan yer o‘pirilishi oqibatida 6 nafar ishchi, shu jumladan, 4 nafar qashqadaryolik ishchi o‘pirilib tushgan tuproq ostida qolib qurbon bo‘ldi. Qurbon bo‘lganlarning har birining oilasiga 100 million so‘mdan dastlabki kompensatsiya pullari to‘langan. Bosh prokuratura fojia yuzasidan jinoyat ishi ochdi
- 1989-yilda tug‘ilgan, Qashqadaryo viloyati Shahrisabz tumani Beshkapa qishlog‘ida istiqomat qilgan fuqaro Abdullayev Oybek To‘ra o‘g‘li;
- 1989-yilda tug‘ilgan, Qashqadaryo viloyati Shahrisabz tumani Beshkapa qishlog‘ida istiqomat qilgan fuqaro Ravshanov Jonibek Islom o‘g‘li;
- 1999-yilda tug‘ilgan, Qashqadaryo viloyati Shahrisabz tumani Beshkapa qishlog‘ida istiqomat qilgan fuqaro Abdullayev Davronbek Botirovich;
- 1986-yilda tug‘ilgan, Qashqadaryo viloyati Yakkabog‘ tumanida istiqomat qilgan fuqaro Diyorov Anvar Normurodovich;
- 1996-yilda tug‘ilgan, Samarqand viloyati Oqdaryo tumani Farmonobod qishlog‘ida istiqomat qilgan fuqaro Rahmatov Ixtiyor Amriddin o‘g‘li;
- 1981-yilda tug‘ilgan, Samarqand viloyati Pastdarg‘om tumanida istiqomat qilgan fuqaro Karimov Zarif To‘lqinovich.
Izoh (0)