2019-yilning 14-dekabr kuni O‘zbekiston Milliy banki Frontera Capital (Buyuk Britaniya) investitsiya kompaniyasi bilan kichik va o‘rta biznes loyihalarini moliyalashtirish uchun milliy valyutada 953 milliard so‘m (100 million AQSH dollari ekvivalenti) miqdorida mablag‘ jalb qilish uchun kredit kelishuvini imzoladi.
Ushbu bitimning asosiy afzalliklari:
- xalqaro moliyaviy mexanizmlardan foydalangan holda mablag‘ jalb qilish;
- so‘mni moliyalashtirishning yanada qulay shartlari;
- uzoq muddatli mablag‘larni jalb qilish (7 yilgacha)
- kredit mablag‘laridan kichik va o‘rta biznes loyihalarini, shuningdek, chakana kreditlashda foydalanish mumkin.
Ushbu mablag‘lar O‘zmilliybank nomidan xalqaro kapital bozoriga kredit notalarini chiqarish orqali jalb qilindi, bu esa o‘z navbatida O‘zmilliybankka jahon kapital bozoridagi ijobiy obro‘sini mustahkamlashga imkon beradi va xalqaro investorlarning qiziqishini uyg‘otadi.
Ma’lumot o‘rnida: Frontera Capital (Buyuk Britaniya, BAAda vakolatxonalari bor) bu — milliy valyutada uzoq muddatli moliyalashtirishni ta’minlash, ham kreditorlar, ham qarz oluvchilar uchun valyutani xedjirlash instumentlariga ixtisoslashgan investitsiya kompaniyasi. Shuningdek, u rivojlanayotgan mamlakatlarda zayomlar va obligatsiyalarning ikkilamchi bozorini rivojlantirishni qo‘llab-quvvatlaydi. 2014-yildan buyon Frontera Capital 40 ta rivojlanayotgan mamlakatlarda umumiy qiymati 1,5 milliard AQSH dollariga teng bo‘lgan suveren va korporativ kreditlarni strukturaladi va tashkil qildi.
Reklama huquqi asosida.
Izoh (0)