2019 йилнинг 14 декабрь куни Ўзбекистон Миллий банки Frontera Capital (Буюк Британия) инвестиция компанияси билан кичик ва ўрта бизнес лойиҳаларини молиялаштириш учун миллий валютада 953 миллиард сўм (100 миллион АҚШ доллари эквиваленти) миқдорида маблағ жалб қилиш учун кредит келишувини имзолади.
Ушбу битимнинг асосий афзалликлари:
- халқаро молиявий механизмлардан фойдаланган ҳолда маблағ жалб қилиш;
- сўмни молиялаштиришнинг янада қулай шартлари;
- узоқ муддатли маблағларни жалб қилиш (7 йилгача)
- кредит маблағларидан кичик ва ўрта бизнес лойиҳаларини, шунингдек, чакана кредитлашда фойдаланиш мумкин.
Ушбу маблағлар Ўзмиллийбанк номидан халқаро капитал бозорига кредит ноталарини чиқариш орқали жалб қилинди, бу эса ўз навбатида Ўзмиллийбанкка жаҳон капитал бозоридаги ижобий обрўсини мустаҳкамлашга имкон беради ва халқаро инвесторларнинг қизиқишини уйғотади.
Маълумот ўрнида: Frontera Capital (Буюк Британия, БААда ваколатхоналари бор) бу — миллий валютада узоқ муддатли молиялаштиришни таъминлаш, ҳам кредиторлар, ҳам қарз олувчилар учун валютани хеджирлаш инстументларига ихтисослашган инвестиция компанияси. Шунингдек, у ривожланаётган мамлакатларда заёмлар ва облигацияларнинг иккиламчи бозорини ривожлантиришни қўллаб-қувватлайди. 2014 йилдан буён Frontera Capital 40 та ривожланаётган мамлакатларда умумий қиймати 1,5 миллиард АҚШ долларига тенг бўлган суверен ва корпоратив кредитларни структуралади ва ташкил қилди.
Реклама ҳуқуқи асосида.
Изоҳ (0)