Rossiyaning Kaliningrad shahrida ikki politsiyachi boshqa bo‘limdagi hamkasblariga Yangi yil bayramiga bag‘ishlangan “buyruq” jo‘natdi. Bu haqda Meduza xabar bermoqda.
“Navbatchilik qismi binolarini A4 qog‘ozga ikkita qor parchasi hisobidan bezab chiqishni topshiraman. Kamida 5 varaq bo‘lishi lozim”, — deyiladi go‘yoki mahalliy IIB boshliq o‘rinbosari tomonidan imzolangan buyruqda.
Hazilkash politsiyachilar fosh etildi. Rahbarlari ularni chaqirib, izohlarini videoga yozib oldi. Politsiyachilar hamkasblari ustidan kulmoqchi bo‘lganini, qor parchalarini tayyorlab, buyruq suratini ijtimoiy tarmoqqa ham joylashtirishganini tan oldi.
Bu qilmishga jazo tariqasida politsiyachilarga o‘z bo‘limlari uchun qor parchalari tayyorlash majburiyati yuklandi. Suhbat chog‘i boshliqlari mazkur hazil tufayli unga Rossiyaning turli shaharlaridan qo‘ng‘iroq qilinganini aytib bergan.
Politsiyachilarga boshqa jazo ham berilganmi yoki berilmaganmi hozircha ma’lum emas.
Izoh (0)