O‘zbekiston Milliy paralimpiya assotsiatsiyasi yil laureatlarini e’lon qildi

Toshkentdagi “O‘zbekiston” xalqaro forumlar saroyida “3 dekabr – Xalqaro nogironlar kuni” munosabati bilan bayram tadbiri bo‘lib o‘tdi.

Tadbirni O‘zbekiston Respublikasi Bosh vazir o‘rinbosari Aziz Abduhakimov o‘z nutqi bilan ochib berdi.

Bayram tadbirida O‘zbekiston Milliy paralimpiya assotsiatsiyasi yil laureatlarini e’lon qildi. Unga ko‘ra, Parakanoe bo‘yicha O‘zbekiston terma jamoasi a’zosi Shaxnoza Mirzayeva “Yilning eng yaxshi ayol sportchisi” nomiga loyiq ko‘rildi. “Yilning eng yaxshi erkak sportchisi” sovrini esa Para atletika bo‘yicha O‘zbekiston terma jamoasi a’zosi Bobir Omonovga topshirildi.

Tadbirda shuningdek, O‘zbekiston estradasining mashhur san’atkorlari ham o‘z chiqishlari bilan qatnashdi.