Qozog‘istonda “Iyegova shohidlari” pedofillikda ayblanmoqda

Qozog‘istonning Olmaota shahri politsiyasi “Iyegova shohidlari” diniy tashkiloti a’zolarini pedofillikda ayblamoqda. Bu haqda “Today.kz” xabar berdi.

“9-oktabr kuni sud sanksiyasi bilan ‘Iyegova shohidlari’ diniy tashkilotining xizmat xonalarida va uning ayrim ishtirokchilarining yashash joylarida tergov tadbirlari o‘tkazildi. Bunga ayrim fuqarolar arizasiga ko‘ra sudgacha boshlangan tekshiruv ishlari asos bo‘lgan. Diniy tashkilot a’zolari Rossiya Jinoyat kodeksining 122-moddasi (16 yoshga to‘lmagan shaxs bilan jinsiy aloqa qilish yoki jinsiy aloqa bilan bog‘liq boshqa harakatlarni sodir etish)da ko‘zda tutilgan jinoyatni sodir etganlikda gumonlanmoqda.

Tergov jarayonida 16 yoshga to‘lmagan shaxslarning jinsiy daxlsizligiga qarshi gumon qilinuvchilar tomonidan bir qator jinoyatlar sodir etilganligi tekshiriladi”,— deyiladi xabarda.

Ish bo‘yicha figurantlarga oid ma’lumotlar tergov siri bo‘lgani uchun oshkor qilinmayapti.