Malidagi harbiy operatsiyalar vaqtida ikkita vertolyotning to‘qnashuvi oqibatida 13 nafar fransiyalik askar halok bo‘ldi. Bu haqda “Interfaks” xabar bergan.
Aviahalokat 25-noyabr, seshanba kuni oqshom payti sodir bo‘lgan. Vertolyotlarning nima sababdan to‘qnashgani noma’lumligicha qolmoqda.
Halok bo‘lganlarning hammasi ekstremistlarga qarshi operatsiyada ishtirok etayotgan quruqlik qo‘shinlarining vakillari bo‘lgan.
Fransiya harbiylarining Malidagi operatsiyadan ko‘zlagan maqsadi hukumatga mahalliy ekstremist-terrorchilarga qarshi kurashda yordam berishdan iborat. Afrika qit’asi davlatida 2012-yilda mamlakat shimoliy qismi terrorchilar ixtiyoriga o‘tganidan beri qurolli to‘qnashuvlar tez-tez sodir bo‘ladi. Fransiya Mali hukumatiga hududni separatistlardan tozalashda ko‘mak bermoqda.
Izoh (0)