Малидаги ҳарбий операциялар вақтида иккита вертолётнинг тўқнашуви оқибатида 13 нафар франциялик аскар ҳалок бўлди. Бу ҳақда «Интерфакс» хабар берган.
Авиаҳалокат 25 ноябрь, сешанба куни оқшом пайти содир бўлган. Вертолётларнинг нима сабабдан тўқнашгани номаълумлигича қолмоқда.
Ҳалок бўлганларнинг ҳаммаси экстремистларга қарши операцияда иштирок этаётган қуруқлик қўшинларининг вакиллари бўлган.
Франция ҳарбийларининг Малидаги операциядан кўзлаган мақсади ҳукуматга маҳаллий экстремист-террорчиларга қарши курашда ёрдам беришдан иборат. Африка қитъаси давлатида 2012 йилда мамлакат шимолий қисми террорчилар ихтиёрига ўтганидан бери қуролли тўқнашувлар тез-тез содир бўлади. Франция Мали ҳукуматига ҳудудни сепаратистлардан тозалашда кўмак бермоқда.
Изоҳ (0)