Toshkentning Yunusobod tumani 15-dahasidagi ko‘p qavatli 23-uyning 31-xonadonida yong‘in yuz berdi, deb xabar bermoqda Davlat yong‘in xavfsizligi xizmati. Hodisa haqida yong‘in-qutqaruv xizmatiga 31-oktabr, payshanba kuni soat 06:26 da xabar kelib tushgan.
Voqea joyiga 2 ta yong‘in o‘chirish texnikasi yuborilgan. Bo‘linmalar ko‘rsatilgan manzilga 7 daqiqada yetib borgan. Ko‘rilgan tezkor harakatlar natijasida yong‘in soat 06:44 da o‘chirilgan.
O‘t o‘chirish paytida xonadonga mehmonga kelgan 64 yoshli V.G. va 60 yoshli L.G. qutqarilgan bo‘lib, hozirda ularning ahvoli qoniqarli.
Yong‘indan uyning 5 kvadrat metr maydonda xona jihozlari yonib zararlangan, 45 kvadrat metr maydoni saqlab qolingan. Tan jarohati olgan va halok bo‘lganlar yo‘q.
Yong‘in mast holda sigareta chekib, uxlab qolishdan sodir bo‘lgan deb taxmin qilinmoqda.
Bundan avval Toshkentda to‘rt qavatli uyning tom qismi yonib ketgani haqida xabar berilgan edi.
Izoh (0)