Harri Keyn “Tottenhem” tarixidan joy oldi

“Tottenhem” hujumchisi Harri Keyn Angliya Premyer Ligasi 10-turi doirasida “Liverpul”ga qarshi bahsda gol urishga erishdi.

Harri uchrashuvning 1-daqiqasida gol urdi. Bu Keyn uchun “Tottenhem” safidagi 174-gol bo‘ldi. U bu gollarni urishi uchun 264 ta o‘yin kerak bo‘ldi.

Natijada Harri klub tarixidagi to‘purarlar reytingida uchinchi o‘ringa ko‘tarildi. Keyn ushbu o‘rinni 174 ta gol urgan Martin Chivers bilan bo‘lishib turibdi.

Qayd etish kerak, 24 yoshli hujumchi joriy mavsum Premyer Ligada 10 ta o‘yinda 6 ta gol urdi.