“Chorbog‘ GES qurilish” korxonasi hisobidan Bo‘stonliq tuman Davlat soliq idorasi foydasiga jami 3 844 235 000 so‘m soliq hamda respublika budjetiga 17 213 000 so‘m davlat boji qarzdorlikni undirish yuzasidan majburiy ijro harakatlari olib borilmoqda.
Majburiy ijro byurosi matbuot xizmati “Daryo”ga ma’lum qilishicha, qarzdor korxonaga tegishli jami uch turdagi avtotransport vositalari hatlangan bo‘lib, baholovchi tashkilotning hisobotiga ko‘ra “VAZ-2131” rusumli avtomashina 62 million 316 ming so‘m, Damas 42 million 392 ming so‘m, LADA 110 million 22 ming so‘mga baholanib, hozirda ushbu mol-mulklar elektron onlayn auksion savdolariga sotuvga chiqarilgan.
Bundan tashqari, 16-sentabrda “Chorbog‘ GES qurilish”ga tegishli Bo‘stonliq tumanida joylashgan uch qavatli ma’muriy bino hatlangan va baholovchi tashkilot tomonidan 2 milliard 770 ming so‘mga baholangan bo‘lib, bino sotish choralari ko‘rilmoqda.
“Chorbog‘ GES qurilish” hisobidan 29-sentabr kuni 1 milliard so‘m soliq qarzdorlik undirilgan.
Izoh (0)