«Чорбоғ ГЭС қурилиш» корхонаси ҳисобидан Бўстонлиқ туман Давлат солиқ идораси фойдасига жами 3 844 235 000 сўм солиқ ҳамда республика бюджетига 17 213 000 сўм давлат божи қарздорликни ундириш юзасидан мажбурий ижро ҳаракатлари олиб борилмоқда.
Мажбурий ижро бюроси матбуот хизмати «Дарё»га маълум қилишича, қарздор корхонага тегишли жами уч турдаги автотранспорт воситалари ҳатланган бўлиб, баҳоловчи ташкилотнинг ҳисоботига кўра «ВАЗ-2131» русумли автомашина 62 миллион 316 минг сўм, Дамас 42 миллион 392 минг сўм, LADA 110 миллион 22 минг сўмга баҳоланиб, ҳозирда ушбу мол-мулклар электрон онлайн аукцион савдоларига сотувга чиқарилган.
Бундан ташқари, 16 сентябрда «Чорбоғ ГЭС қурилиш»га тегишли Бўстонлиқ туманида жойлашган уч қаватли маъмурий бино ҳатланган ва баҳоловчи ташкилот томонидан 2 миллиард 770 минг сўмга баҳоланган бўлиб, бино сотиш чоралари кўрилмоқда.
«Чорбоғ ГЭС қурилиш» ҳисобидан 29 сентябрь куни 1 миллиард сўм солиқ қарздорлик ундирилган.
Изоҳ (0)