Жиноят ишлари бўйича Тошкент вилояти судининг апелляция инстанцияси ажрими билан 26 сентябрь, пайшанба куни Андрей Кубатин оқлангани ва суд залидан озод қилингани ҳақида аввал хабар берилган эди. У 2017 йили Жиноят кодексининг 157-моддаси (давлатга хоинлик қилиш) бўйича судланиб, беш йилга озодликдан маҳрум этилган эди.
Мавзуга доир: Ватанга хиёнатда айбланиб ҳибсга олинган олим Андрей Кубатин тўлиқ оқланиб, суд залидан озод этилди
«Учрашув якунлари бўйича Ўзбекистон Бош прокуратураси ва Олий судига Омбудсманнинг тегишли мурожаати йўлланган эди. Омбудсман ўз мурожаатларида Андрей Кубатиннинг Ватанга дахлдорлик ҳисси ва Президент Шавкат Мирзиёев раҳбарлигида амалга оширилаётган ислоҳотларни рўёбга чиқаришда фаол иштирок этишга тайёрлиги, давлат ва жамиятнинг ривожи йўлида меҳнат қилиши ҳақидаги сўзларини алоҳида қайд этиб ўтганди», — дейилади Омбудсман баёнотида.Қайд этишларича, Омбудсман вакиллари суднинг инстанция апелляцияси мажлисларида қатнашган. «Омбудсман суд қарорини олқишлайди», — дея қўшимча қилинган Олий Мажлиснинг Инсон ҳуқуқлари бўйича вакили баёнотида.
Изоҳ (0)