Xorazmlik fuqaro “Sharqona lotto”ning 2,5 mlrd so‘mlik rekord jekpotini qo‘lga kiritdi

Xorazmlik Ahmadjon Jumaniyozov Xalq bankining “Sharqona lotto” lotereyasi tarixidagi eng katta yutuq — 2,5 milliard so‘mlik jekpot sohibi bo‘ldi.

Rekord darajada katta jekpot “Sharqona lotto” lotereyasi “36 dan 6” o‘yinining 2019-yil 18-sentabrdagi 134-yutuqlar tirajida o‘ynalgan. Unda jekpot aslida 2,48 milliard so‘m qilib belgilangan edi, deya xabar bermoqda Xalq banki.

“Biroq jekpot sohibi mazkur tirajda 6 ta emas, balki 10 ta raqamni ro‘yxatdan o‘tkazgani uchun jekpot bilan birga keyingi kategoriyalar bo‘yicha ham yutuq summalariga — jami 2,505 milliard so‘mga ega bo‘ldi”, — deyiladi bank xabarida.

Qo‘shimcha qilishlaricha, 2,5 milliard so‘mlik jekpot summasi Xalq banki tomonidan yutuq egasining nomiga ochilgan plastik kartaga o‘tkazib berilgan va yutuq summasidan hech qanday soliq ushlab qolinmagan.

Reklama huquqi asosida